Chandogyopanishad C 2

Chāndogyopaniṣad C 2

Language: Sanskrit

2.1

jātivyaktī gṛhītveha vayaṃ tu śrutilakṣite
klṛpyādi yadi muñcāmaḥ kā śrutistatra pīḍyate
udgīthāvayava oṃkāre mukhyaprāṇadṛṣṭiṃ vidhātumākhyāyikāṃ prastautidevāsurā ha vai yatra saṃyatire ubhaye prājāpatyāḥ
taddha devā udgīthamājahruranenainānabhibhaviṣyāma iti

2.2

te ha nāsikyaṃ prāṇamudgīthamupāsāṃcakrire
tam̐ hāsurāḥ pāpmanā vividhuḥ
tasmāttenobhayaṃ jighrati surabhi ca
durgandhi ca pāpmanā hyeṣa viddhaḥ

2.3

atha ha vācamudgīthamupāsāṃcakrire tām̐ hāsurāḥ
pāpmanā vividhustasmāttayobhayaṃ vadati satyaṃ
cānṛtaṃ ca pāpmanā hyeṣā viddhā

2.4

atha ha cakṣurudgīthamupāsāṃcakrire taddhāsurāḥ
pāpmanā vividhustasmāttenobhayaṃ paśyati darśanīyaṃ
cādarśanīyaṃ ca pāpmanā hyetadviddham

2.5

atha ha śrotramudgīthamupāsāṃcakrire taddhāsurāḥ
pāpmanā vividhustasmāttenobhayam̐ śṛṇoti śravaṇīyaṃ cāśravaṇīyaṃ ca pāpmanā hyetadviddham

2.6

atha ha mana udgīthamupāsāṃcakrire taddhāsurāḥ pāpmanā
vividhustasmāttenobhayam̐ saṃka.lpayate saṃkalpanīyaṃ
cāsaṃkalpanīyaṃ ca pāpmanā hyetadviddham

2.7

atha ha ya evāyaṃ mukhyaḥ
prāṇastamudgīthamupāsāṃcakrire
tam̐ hāsurā ṛtvā vidadhvaṃsuḥ
yathā'śmānamākhaṇamṛtvā vidhvam̐setai‌vam

2.8

yathā'śmānamākhaṇamṛtvā vidhvam̐sata
evam̐ sa vidhvam̐sate ya evaṃvidi
pāpaṃ kāmayate yaścainamabhidāsati
sa eṣo'śmākhaṇaḥ

2.9

naivetena surabhi na durgandhi ca vijānāti
apahatapāpmā hyeṣaḥ
tena yadaśnāti yatpibati tenetarānprāṇānavati
etamu evāntato'vittvotkrāmati
vyādadātyevānta iti

2.10

taṃ m̐ hāṅgirā udgīthamupāsāṃcakre
etamu evā''ṅgirasaṃ manyante'ṅgānāṃ yadrasaḥ

2.11

tena taṃ m̐ ha bṛhaspatirudgīthamupāsāṃcakre
etamu eva bṛhaspatiṃ manyante vāgdhi
bṛhatī tasyā eṣa patiḥ

2.12

tena taṃ m̐ hāyāsya udgīthamupāsāṃcakre
etamu evāyāsyaṃ manyanta āsyādyadayate

2.13

tena taṃ m̐ ha bako dālbhyo vidāṃcakāra
sa ha naimiśīyānāmudgātā babhūva
sa ha smaibhyaḥ kāmānāgāyati

2.14

āgātā ha vai kāmānāṃ bhavati ya
etadevaṃ vidvānakṣaramudgīthamupāste
ityadhyātmam

Chandogyopanishad C 2

Linked texts (9)