Chandogyopanishad C 78
Chāndogyopaniṣad C 78
- Language
- Sanskrit
Contents
- 78.7 — 1 part
78.1
prācīnaśāla aupamanyavaḥ satyayajñaḥ paulupirindradyumno bhālaveyo janaḥ śārkarākṣyo
buḍila āśvatarāśviste haite mahāśālā
mahāśrotriyāḥ sametya mīmāsāṃ cakruḥ
ko na ātmā kiṃ brahmeti
78.2
te ha saṃpādayāṃcakruḥ
uddālako vai bhagavanto'yamāruṇiḥ saṃpratīmamātmānaṃ vaiśvānaramadhyati tam̐ hantābhyāgacchāmeti tam̐ hābhyājagmuḥ
78.3
sa ha saṃpādayāṃcakāra prakṣyanti māmime
mahāśālā mahāśrotriyāstebhyo na sarvamiva
pratipatsye hantāhamanyamabhyanuśāsānīti
78.4
tānhovāca
aśvapatirvai bhagavanto'yaṃ kaikeyaḥ saṃpratīmamātmānaṃ
vaiśvānaramadhyati tam̐ hantābhyāgacchāmeti
tam̐ hābhyājagmuḥ
78.5
tebhyo ha prāptebhyaḥ pṛthagarhāṇi kārayāṃcakāra
sa ha prātaḥ saṃjihāna uvāca
na me steno janapade na kadaryo na madyapo nānāhitāgnirnāvidvānna svairī svairiṇī kuto yakṣyamāṇo vai bhagavanto'hamasmi yāvadekaikasmā ṛtvije dhanaṃ dāsyāmi tāvadbhagavadbhyo dāsyāmi vasantu bhagavanta iti
78.6
te hocuḥ
yena haivārthena puruṣaścaretta haiva vadedātmānamevemaṃ
vaiśvānara sampratyadhyeṣi tameva no brūhīti
78.7
tānhovāca prātarvaḥ prativaktāsmīti
te ha samitpāṇayaḥ pūrvāhṇe praticakramire
tānhānupanīyaivaitaduvāca
78.7.p1
iti cchāndogyopaniṣadi pañcamaprapāṭhakasyaikādaśaḥ khaṇḍaḥ || 11
Linked texts (7)
- Chāndogyopaniṣad — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Chāndogyadīpikā — Sanskrit
- Chāndogyopaniṣatkhaṇḍārtha — Sanskrit