Different Upanishads 69
Different Upaniṣads 69
- Language
- Sanskrit
Contents
- 69.5 — 1 part
69.1
vinardi sāmno vṛṇe paśavyamityaprudgītho'niruktaḥ
prajāpaterniruktaḥ somasya mṛdu ślakṣṇaṃ vāyoḥ ślakṣṇaṃ
balavadindrasya krauñcaṃ bṛhaspaterapadhvāntaṃ varuṇasya
tān sarvānnivopaseveta vāruṇaṃ tvekaṃ varjayet
69.2
amṛtatvaṃ devebhya āgāyānītyāgāyet svadhāṃ pitṛbhya
āśāṃ manuṣyebhyastṛṇodakaṃ paśubhyaḥ svargaṃ lokaṃ yajamānāyānnamātmana āgāyānītyetāni manasā dhyāyannapramattaḥ stuvīta
69.3
sarve svarā indrasyātmanaḥ sarve ūṣmāṇaḥ prajāpaterātmānaḥ
sarve sparśā mṛtyorātmānastaṃ yadi svareṣūpālabhetendram̐ śaraṇaṃ
prapanno'bhūvaṃ sa tvā prati vakṣyatītyenaṃ brūyāt
69.4
atha yadyenamūṣmasūpālabheta prajāpatiṃ śaraṇaṃ prapanno'bhūvaṃ sa tvā prati pekṣyatītyenaṃ brūyāt | atha
yadyenam̐ sparśeṣūpālabheta mṛtyuṃ śaraṇaṃ prapanno'bhūvaṃ sa tvā
prati dhakṣyatītyenaṃ brūyāt
69.5
sarve svarā ghoṣavanto balavanto vaktavyā indre balaṃ
dadānīti | sarveṃ ūṣmāṇo'grastā anirastā vivṛtā
vaktavyāḥ prajāpaterātmānaṃ paridadānīti | sarve sparśā
leśenānabhinihitā vaktavyā mṛtyorātmānaṃ pariharāṇīti
69.5.p1
iti caturthe dvāviṃśaḥ khaṇḍaḥ || 22
Linked texts (13)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Upaniṣads — Sanskrit
- Chāndogyopaniṣatkhaṇḍārtha — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Mantrapuṣpa — Sanskrit
- Īśādidvādaśopaniṣadaḥ — Sanskrit
- Chāndogyadīpikā — Sanskrit
- Chāndogyopaniṣad C — Rāmānuja Yatirāj, Sanskrit
- Vedāntasamanvaya — Gurugovinda Rāya, Sanskrit