Pramāṇa · Search · About · API

Gaudapadiya 5

Gauḍapādīya 5

Language
Sanskrit

5.1

oṃ tatsat
jñānenākāśakalpena dharmmāngaganopamān
^yo
jñeyābhinnena sambuddhastaṃ vande dvipadāmbaram

5.2

asparśayogo vai nāma sarvvasattvasukho hitaḥ
avivādo'viruddhaśca deśitastaṃ namāmyaham

5.3

bhūtasya jātimārgacchanti vādinaḥ kecideva hi
abhūtasyāpare dhīrā vivadantaḥ parasparam

5.4

bhūtaṃ na jāyate kiñcidabhūtaṃ naiva jāyate
vivadanto'dvayā hyevamajātiṃ khyāpayanti te

5.5

khyāpyamānāmajātintairanumodāmahe vayam
vivadāmo na taiḥ sārddhamavivādaṃ nibodhata

5.6

ajātasyaiva dharmasya jātimicchanti vādinaḥ
ajāto hyamṛto dharmo martyatāṃ kathameṣyati

5.7

na bhavatyamṛtaṃ martyaṃ na martyamamṛtaṃ tathā
prakṛteranyathābhāvo na kathañcidbhaviṣyati

5.8

svabhāvenāmṛto yasya dharmo gacchati martyatām
kṛtakenāmṛtastasya kathaṃ sthāsyati niścalaḥ

5.6-2

sāṃsiddhikī svābhāvikī sahajā akṛtā ca yā
prakṛtiḥ seti vijñeyā svabhāvaṃ na jahāti yā

5.10

jarāmaraṇanirmuktāḥ sarvve dharmmāḥ svabhāvataḥ
jarāmaraṇamicchantaścyavante tanmanīṣayā

5.19

kāraṇaṃ yasya vai kāryyaṃ kāraṇaṃ tasya jāyate
jāyamānaṃ kathamajaṃ bhinnaṃ nityaṃ kathañca tat

5.12

kāraṇādyadyananyatvamataḥ kāryyamajaṃ yadi
jāyamānāddhi vai kāryyātkāraṇaṃ te kathaṃ dhruvam

5.13

ajāhai jāyate yasya dṛṣṭāntastasya nāsti vai
jātācca jāyamānasya na vyavasthā prasajyate

5.14

hetorādiḥ phalaṃ yeṣāmādirhetuḥ phalasya ca
hetoḥ phalasya cānādiḥ kathaṃ tairupavarṇyate

5.15

hetorādiḥ phalaṃ yeṣāmādirhetuḥ phalasya ca
tathā janma bhavetteṣāṃ putrājjanma pituryathā

5.16

sambhave hetuphalayoreṣitavyaḥ kramastvayā
yugapatsambhave yasmādasambandho viṣāṇavat

5.17

phalādutpadyamānaḥ sanna te hetuḥ prasiddhyati
aprasiddhaḥ kathaṃ hetuḥ phalamutpādayiṣyati

5.18

yadi hetoḥ phalātsiddhiḥ phalasiddhiśca hetutaḥ
kataratpūrvvaniṣpannaṃ yasya siddhirapekṣayā

5.16-2

aśaktiraparijñānaṃ kramakopo'tha vā punaḥ
evaṃ hi sarvvathā buddhairajātiḥ paridīpitā

5.20

bījāṅkurākhyo dṛṣṭāntaḥ sadā sādhyasamo hi saḥ
nahi sādhyasamo hetuḥ siddhau sādhyasya yujyate

5.21

pūrvvāparāparijñānamajāteḥ paridīpakam
jāyamānāddhi vai dharmmātkathaṃ pūrvvaṃ na gṛhyate

5.22

svato vā parato vāpi na kiñcidvastu jāyate
sadasatsadasadvā'pi na kiñcidvastu jāyate

5.23

heturna jāyate'nādeḥ phalañcāpi svabhāvataḥ
ādirnavidyate yasya tasya hyādirna vidyate

5.24

prajñapteḥ sanimittatvamanyathā dvayanāśataḥ
saṃkleśasyopalabdheśca paratantrāstitā matā

5.25

prajñapte sanimittatvamiṣyate yuktidarśanāt
nimittasyāninimittatvamiṣyate bhūtadarśanāt

5.26

cittaṃ na saṃspṛśatyarthaṃ nārthābhāsaṃ tathaiva ca
abhūto hi yataścārtho nārthābhāsastataḥ pṛthak

5.27

nimittaṃ na sadā cittaṃ saṃspṛśatyadhvasu triṣu
animitto viparyāsaḥ kathaṃ tasya bhaviṣyati

5.28

tasmānna jāyate cittaṃ cittadṛśyaṃ na jāyate
tasya paśyanti ye jātiṃ khe vai paśyanti te padam

5.26-2

ajātaṃ jāyate tasmādajātiḥ prakṛtistataḥ
prakṛteranyathābhāvo na kathañcidbhaviṣyati

5.30

anāderantavattvañca saṃsārasya na setsyati
anantatā cādimato mokṣasya na bhaviṣyati

5.31

ādāvante ca yannāsti varttamāne'pi tattathā
vitathaiḥ sadṛśāḥ santo'vitathā iva lakṣitāḥ

5.32

saprayojanatā teṣāṃ svapne vipratipadyate
tasmādādyantavattvena mithyaiva khalu te smṛtāḥ

5.33

sarvve dharmā mṛṣā svapne kāyāsyāntarnidarśanāt
saṃvṛte'smin pradeśe vai bhūtānāṃ darśanaṃ kutaḥ

5.34

na yuktaṃ darśanaṃ gatvā kālasyāniyamāṅgatau
pratibuddhaśca vai sarvvastasmin deśe na vidyate

5.35

mitrādyaiḥ saha sammantya sambuddho na prapadyate
gṛhītañcāpi yatkiñcit pratibuddho na paśyati

5.36

svapne cāvastukaḥ kāyaḥ pṛthaganyasya darśanāt
yathā kāyaṃstathā sarvvaṃ cittadṛśyamavastukam

5.37

grahaṇājjāgaritavattaddhetuḥ svapna iṣyate
taddhetutvāttu tasyaiva sañjāgaritamiṣyate

5.38

utpādasyāprasiddhatvādajaṃ sarvvamudāhṛtam
na ca bhūtādabhūtasya sambhavo'sti kathañcana

5.36-2

asajjāgarite dṛṣṭvā svapne paśyati tanmayaḥ
asatsvapne'pi dṛṣṭvā ca pratibuddho na paśyati

5.40

nāstyasaddhetukamasat sadasaddhetukantathā
sacca saddhetukaṃ nāsti saddhetukamasatkutaḥ

5.41

viparyyāsādyathā jāgradacintyān bhūtavat spṛśet
tathā svapne viparyyāsāddharmmāṃstatraiva paśyati

5.42

upalambhāt samācārādasti vastutvavādinām
jātistu deśitā buddhairajātestrasatāṃ sadā

5.42-2

ajātestrasatānteṣāmupalambhādviyanti ye
jātidoṣā na setsyantidoṣo'pyalpobhaviṣyati

5.44

upalambhāt samācārānmāyāhastī yathocyate
upalabbhāt samācārādasti vastu tayocyate

5.45

jātyābhāsaṃ calābhāsaṃ vastvābhāsa tathaiva ca
ajācalamavastutvaṃ vijñānaṃ śāntamadvayam

5.46

evaṃ na jāyate cittamevaṃdharmmā ajāḥ smṛtāḥ
evameva vijānanto na patanti viparyyaye

5.47

ṛjuvakrādikābhāsamalātaspanditaṃ yathā
grahaṇāgrāhakābhāsaṃ vijñānaspanditantathā

5.48

aspandamānamalātamanābhāsamajaṃ yathā
aspandamānaṃ vijñānamanābhāsamajaṃ tathā

5.46-2

alāte spandamāne vai nābhāsā anyato bhuvaḥ
na tato'nyatra nisspandānnālātamaviśanti te

5.50

na nirgatā alātātte dravyatvābhāvayogataḥ
vijñāne'pi tathaiva syurābhāsasyāviśeṣataḥ

5.51

vijñāne spandamāne vai nābhāsā anyato bhuvaḥ
na tato'nyatra nispandānna vijñānaṃ viśanti te

5.52

na nirgatā vijñānātte dravyatvābhāvayogataḥ
kāryyakāraṇatābhāvādyato'cintyāḥ sadaiva te

5.53

dravyaṃ dravyasya hetuḥ syādanyadanyasya caiva hi
dravyatvamanyabhāvo vā dharmmāṇaṃ nopapadyate

5.54

evaṃ na cittajā dharmmāścittaṃ vāpi na dharmmajam
evaṃ hetuphalā jātiṃ praviśanti manīṣiṇaḥ

5.55

yāvaddhetuphalāveśastāvaddhetuphalodbhavaḥ
kṣīṇe hetuphalāveśe nāsti hetuphalodbhavaḥ

5.56

yāvaddhetuphalāveśaḥ saṃsārastāvadāyataḥ
kṣīṇe hetuphalāveśe saṃsāraṃ na prapadyate

5.57

saṃvṛtyā jāyate sarvvaṃ śāśvataṃ nāsti tena vai
sadbhāvena hyajaṃ sarvvamucchedastena nāsti vai

5.58

dharmmā ya iti jāyante jāyante te na satvataḥ
janmamāyopamanteṣāṃ sā ca māyā na vidyate

5.56-2

yathā māyāmayādbījājjāyate tanmayo'ṅkuraḥ
nā'sau nityo na cocchedī taddharmeṣu yojanā

5.60

nājeṣu sarvvadharmeṣu śāśvatāśāśvatābhidhā
yatra varṇā na varttante vivekastatra nocyate

5.61

yathā svapne dvayābhāsaṃ cittaṃ calati māyayā
tathā jāgraddvayābhāsaṃ cittaṃ calati māyayā

5.62

advayañca dvayābhāsaṃ cittaṃ svapne na saṃśayaḥ
advayañca dvayābhāsaṃ tathā jāgranna saṃśayaḥ

5.63

svapnadṛk pracaran svapne dikṣu vai daśasu sthitān
aṇḍajān svedajān vāpi jīvān paśyati yān
[sadā

5.64

svapnadṛk cittadṛśyāste na vidyante tataḥ pṛthak
tathā taddṛśyamevedaṃ svapnadṛkcittamiṣyate

5.65

caran jāgarite jāgradvikṣu vai daśasu sthitān
aṇḍajān svedajān vāpi jīvān paśyati
[yān sadā

5.66

jāgraccittekṣaṇīyāste na vidyante tataḥ pṛthak
tathā taddṛśyamevedaṃ jāgrataścittamiṣyate

5.67

ubhe hyanyonyadṛśye te kintadastīti cocyate
lakṣaṇāśūnyamubhayaṃ tanmate naiva gṛhyate

5.68

yathā svapnamayo jīvo jāyate mriyate'pi ca
tathā jīvā amī sarve bhavanti na bhavanti ca

5.69

yathā māyāmayo jīvo jāyate mriyate'pi ca
tathā jīvā amī sarve bhavanti na bhavanti ca

5.70

yathā nirmitako jīvo jāyate mriyate'pi vā
tathā jīvā amī sarve bhavanti na bhavanti ca

5.71

na kaścijjāyate jīvaḥ sambhavo'sya na vidyate
etattaduttamaṃ satyaṃ yatra kiñcinna jāyate

5.72

cittaspanditamevedaṃ grāhyagrāhakavadvayam
cittaṃ nirviṣayaṃ nityamasaṅgantena kīrttitam

5.73

yo'sti kalpitasaṃvṛtyā paramārthena nāstyasau
paratantrābhisaṃvṛtyā syānnāsti paramārthataḥ

5.74

ajaḥ kalpitasaṃvṛtyā paramārthena nāpyajaḥ
paratantrābhiniṣpatyā saṃvṛtyā jāyatetu saḥ

5.75

abhūtābhiniveśo'sti dvayaṃ tatra na vidyate
dvayābhāvaṃ sa buddhvaiva nirnimitto na jāyate

5.76

yadā na labhate hetūnuttamādhamamadhyamān
tadā na jāyate cittaṃ hetvabhāve phalaṃ kutaḥ

5.77

animittasya cittasya yānutpattiḥ samā'dvayā
ajātasyaiva sarvvasya cittadṛśyaṃ hi tadyataḥ

5.78

buddhā nimittatāṃ satyāṃ hetuṃ pṛthaganāpnuvan
vītaśokaṃ tathā kāmamabhayaṃ padamaśnute

5.76-2

abhūtābhiniveśāddhi sadṛśe tatpravarttate
vastvabhāvaṃ sa buddhvaiva niḥsaṅgaṃ vinivarttate

5.80

nivṛttasyāpravṛttasya niścalā hi tadā sthitiḥ
viṣayaḥ sa hi buddhānāṃ tatsāmyamajamadvayam

5.81

ajamanidramasvapnaṃ prabhātaṃbhavati svayam
sakṛdvibhāto hyevaiṣa dharmmo dhātuḥ svabhāvataḥ

5.82

sukhamātriyate nityaṃ duḥkhaṃ vivriyate sadā
yasya kasya ca dharmasya graheṇa bhagavānasau

5.83

asti nāstyasti nāstīti nāstīti nāsti vā punaḥ
calasthirobhayābhāvairāvṛṇotyeva bāliśaḥ

5.84

koṭyaścatasra etāstu grahairyāsāṃ sadā vṛtaḥ
bhagavānabhiraspṛṣṭo yena dṛṣṭaḥ sa sarvvadṛk

5.85

prāpya sarvvajñatāṃ kṛtsnāṃ brāhmaṇyaṃ padamadvayam
anāpannādimadhyāntaṃ kimataḥ paramīhate

5.86

viprāṇāṃ vinayo hyeṣa śamaḥ prākṛta ucyate
damaḥprakṛtidāntatvādevaṃ vidvāñchamaṃ vrajet

5.87

savastu sopalambhañca dvayaṃ laukikamiṣyate
avastu sopalambhañca dvayaṃ laukikamiṣyate

5.88

avastvanupalambhañca lokottaramiti smṛtam
jñānaṃ jñeyañca vijñeyaṃ sadā buddhaiḥ prakīrttitam

5.86-2

jñāne ca trividhe jñeye krameṇa vidite svayam
sarvvajñatā hi sarvvatra bhavatīha mahādhiyaḥ

5.60-2

jñeyajñeyādyapākyāni vijñeyānyagrayāṇataḥ
teṣāmanyatra vijñeyādupalabdhistriṣu smṛtaḥ

5.61-2

prakṛtyākāśavajjñeyāḥ sarvve dharmā anādayaḥ
vidyate nahi nānātvaṃ teṣāṃ kvaca na kiñcana

5.92

ādibuddhāḥ prakṛtyaiva sarve dharmāḥ suniścitāḥ
yasyaivambhavati kṣāntiḥ so'mṛtatvāya kalpate

5.93

ādi śāntā hyanutpannāḥ prakṛtyaiva sunirvṛtāḥ
sarvvedharmmāḥ samābhinnā ajaṃsābhyaṃ viśāradam

5.64-2

vaiśāradyantu vai nāsti bhede vicaratāṃ sadā
bhedaninnāḥ pṛthagvādāstasmātte kṛpaṇāḥ smṛtāḥ

5.95

aje sāmye tu ye kecidbhaviṣyanti suniścitaḥ
te hi loke mahājñānāstacca loko na gāhate

5.96

ajeṣvajamasaṃkrāntaṃ dharmeṣu jñānamiṣyate
yato na kramate jñānamasaṅgaṃ tena kīrttitam

5.97

aṇumātre'pi vaidharmye jāyamāne'vipaścitaḥ
asaṅgatā sadā nāsti kimutāvaraṇacyutiḥ

5.98

alabdhāvaraṇāḥ sarvve dharmmāḥ prakṛtinirmalāḥ
ādaubuddhāstathā muktā buddhyanta iti nāyakāḥ

5.99

kramate na hi buddhasya jñānaṃ dhammeṣu tāpinaḥ
sarve dharmmāstathā jñānaṃ naitadbuddhena bhāṣitam

5.100

durddaśramatigambhīramajaṃ sāmyaṃ viśāradam
buddhvā padamanānātvaṃ namaskurmo yathā balam

Linked texts (4)