Kaṭha Upaniṣad 1.2.24
Kaṭhaprakāśikā (Raṅgarāmānuja) 1.2.24
- Language
- Sanskrit
1.2.24
[ mumukṣāsthairyaparīkṣārthaṃ punaḥ pralobhanam ]
śatāyuṣaḥ putrapautrān vṛṇīṣva bahūn paśūn hastihiraṇyamaśvān |
bhūmermahadāyatanaṃ vṛṇīṣva svayaṃ ca jīva śarado yāvadicchasi ||
1.2.24.p1
pra.dī. - punaḥ pralobhayan mṛtyuḥ naciketasamāha - śatāyuṣaḥ iti | śatasaṃvatsarāyuṣmataḥ putrapautrān - gavādirūpān bahūn paśūm̐śca hastyaśvān - gajaturagādīn hiraṇyam - suvarṇarajatādi, bhūmeḥ - pṛthivyāḥ, mahadāyatanam - vistṛtapradeśam, bhūmaṇḍalasāmrājyaṃ ca, vṛṇīṣva svayaṃ ca yāvaccharadaḥ - yāvatsaṃvatsarān icchasi - asmin loke sthātumicchasi tāvat jīvaśarīramarogaṃ dhāraya |
1.2.24.p2
pra. - evaṃ naciketasokto mṛtyuḥ, viṣayasya duradhigamatayā madhye na tyakṣati iti niścitya, satyapi grahaṇasāmarthye, viṣayāntarāsaktacetase etādṛśaṃ muktātmatattvaṃ nopadeśārham iti matvā, mumukṣāsthairyānuvṛttyarthaṃ pralobhayan1 uvāca - śatāyuṣam iti
Linked texts (1)
- Kaṭhopaniṣad — Sanskrit