Kaṭha Upaniṣad 2.16
Kaṭhaprakāśikā (Raṅgarāmānuja) 2.16
- Language
- Sanskrit
2.16
ṣoḍaśamantraḥ
[ parabrahmavācaka praṇavapraśaṃsā ]
etaddhyevākṣaraṃ brahma etaddhyekṣaraṃ param |
etaddhyevākṣaraṃ jñātvā yo yadicchati tasya tat ||
2.16.p1
pra.dī. - atha paraṃbrahmavācakaṃ praṇavaṃ dvābhyāṃ stauti - etaddhyevākṣaram iti| etaddhyevākṣaraṃ brahma - omityetadakṣaraṃ hyeva, brahma - brahmaprāptisādhanam, etadakṣarameva param - japyam, etaddhyevākṣaram - etadakṣarārthameva hi paraṃbrahmeti jñātvā - yaḥ- mumukṣuḥ, yadicchati - yatphalaṃ me bhūyāt iti upāsyati, tasya tat - tatphalaṃ bhavati |
2.16.p2
pra. - evaṃ vācakaṃ praṇavaṃ dvābhyāṃ mantrābhyāṃ stauti - etaddhyevākṣaraṃ brahma iti | omityanenaivākṣareṇa paramapuruṣam abhidhyāyīta (pra.u.5-5) iti brahmaprāptisādhanadhyānālambanatvāt idamevākṣaram, brahmaprāptisādhanatvāt brahma | etaddhyevākṣaraṃ param - japyeṣu dhyeyeṣu ca śreṣṭham ityarthaḥ | etaddhyevākṣaram iti | etadakṣaramupāsamānaḥ anena upāsanena idaṃ phalaṃ me
Linked texts (1)
- Kaṭhopaniṣad — Sanskrit