Kaṭha Upaniṣad 2.17
Kaṭhaprakāśikā (Raṅgarāmānuja) 2.17
- Language
- Sanskrit
2.17
saptadaśamantraḥ
[ praṇavopakaraṇakopāsanasya śraiṣṭhyam ]
etadālambanam̐ śreṣṭhametadālambanam̐ param |
etadālambanam̐ jñātvā brahmaloke mahīyate ||
2.17.p1
pra.dī. - etadālambanam iti | etadālambanam - pūrvoktapraṇavālambanam, śreṣṭham - sarvamantrāṇāṃ dhyānādīnāṃ ca ādhikyabodhakam, etadālambanam - praṇavopāsanam, param - parabrahmajñānasādhanam, etat - praṇavārthopāsanam, ālambanam1 - sarvaphalādhārabhūtam iti jñātvā, puruṣaḥ brahmaloke - parabrahmaloke, mahīyate - pūjyate, muktaiḥ iti śeṣaḥ |
2.17.p2
pra. - etadālambanam śreṣṭham - etat - oṃkārarūpamālambanam, śreṣṭham dhyānāderiti śeṣaḥ | ata eva etadālambanam param - etadālambanakaṃ dhyānādi sarvotkṛṣṭam ityarthaḥ | uttarārdhasya spaṣṭo'rthaḥ |
2.17.p3
ā.bhā. - yadālambya samāśritya paraṃbrahma, devatāntaraṃ samupāsyate, tadālambanam viṣayaḥ ityetat | yathā gāyatrīṃ dvādaśākṣaramapyaṣṭākṣaraṃ vā samālambya paramapuruṣaḥ upāsyate kenacit, kenacittu oṃkāra evālambyate tadupāsane, ataḥ gāyatryāderiva oṃkāro'pi ālambanam | evaṃ bahuṣu ālambeṣu satsvapi, etat - oṃkārarūpam ālambanam | ālambanāntarāpekṣayā śreṣṭhaṃ dhyānādikriyāsu | ata eva etat oṃkārarūpaṃ ālambanaṃ yasya, tādṛśaṃ dhyānādikam, anyālambanadhyānādyapekṣayā, param - utkṛṣṭam | etat - oṃkārarūpameva paramapuruṣopāsane, ālambanaṃ jñātvā - samyagnirṇīya tadālambanakopāsanavidhānadvārā, brahmaloke - brahmaṇaḥ śrīrāmākhyasya, loke - sāketākhye, mahīyate - pūjyate, satkārapātraṃ bhavati iti | atra om ityanenaivākṣareṇa paramapuruṣamabhidhyāyīta (pra.u.5-5) ityādi śrutiśca bhavati oṃkārālambanakaparamapuruṣadhyānavidhāyinī iti anusandheyam |
2.17.p4
su. - etadevākṣaram ālambaneṣu dhyānālambaneṣu śreṣṭham | ata eva etadālambanaṃ param - etadālambanaṃ yasminnupāsane tadevopāsanam utkṛṣṭam | etat
Linked texts (1)
- Kaṭhopaniṣad — Sanskrit