Kaṭha Upaniṣad 2.21
Kaṭhaprakāśikā (Raṅgarāmānuja) 2.21
- Language
- Sanskrit
2.21
ekaviṃśatimantraḥ
[ bhagavadanugrahaśūnyasya durgrahatvam ]
āsīno dūraṃ vrajati śayāno yāti sarvataḥ |
kastaṃ madāmadaṃ devaṃ madanyo jñātumarhati ||
2.21.p1
pra.dī. - bhagavadanugrahaśūnyasya paramātmatattvaṃ duradhigamam ityāha - āsīnaḥ iti | bhagavadanugrahaśūnyasya, āsīnaḥ - acalaḥ avasthitassan ayaṃ paramātmā, sarvataḥ - sarvadeśeṣu, yāti - gacchati, tam - pūrvoktam, madāmadam - mado - harṣaḥ, amado - aharṣaḥ madāmadau nigrahānugrahajanaviṣaye etau asya staḥ iti, madāmadaḥ | arśādyac1 (pā.sū.5-2-127) taṃ viruddhadharmaviśiṣṭam, devam - dyotanādiguṇaviśiṣṭaṃ bhagavantam, mat - bhagavadanugrahapātrānmattaḥ, anyaḥ kaḥ jñātumarhati - na ko'pi jñātumarhaḥ iti yāvat |
2.21.p2
pra. - dhātuprasādaśabditabhagavadanugrahaśūnyasya paramātmatattvam atyantālaukikatvāt duradhigamamiti darśayati - āsīno dūraṃ vrajati śayāno yāti sarvataḥ iti | paramātmanaḥ sarvātmakatvena, itaratra viruddhatayā pratīyamānā'pi āsīnatvadūragantṛtvādidharmāḥ jīvadvārā tatra santi iti bhāvaḥ | kastam iti |
2.21.p3
harṣāharṣaviruddhadharmamadhyasthaṃ tam, paramātmaprasādānugṛhītamādṛśajanādanyaḥ ko vā jñātetyarthaḥ |
Linked texts (1)
- Kaṭhopaniṣad — Sanskrit