Kaṭha Upaniṣad 5.10
Kaṭhaprakāśikā (Raṅgarāmānuja) 5.10
- Language
- Sanskrit
5.10
daśamo mantraḥ
[ sarvabhūtāntaryāmī paramātmā ]
vāyuryathaiko bhuvanaṃ praviṣṭo rūpaṃ rūpaṃ pratirūpo babhūva |
ekastathā sarvabhūtāntarātmā rūpaṃ rūpaṃ pratirūpo bahiśca ||
5.10.p1
pra.dī - dṛṣṭāntāntaramāha - vāyuryathā iti | yathā eko vāyuḥ prāṇarūpeṇa sarvajīvapraviṣṭaḥ, tadvat ekaḥ paramātmā, sarvabhūtāntaryāmī babhūva - pūrvodāharaṇavat asyāpyartho boddhavyaḥ ||
5.10.p2
pra. - udāhaṇāntaramāha - vāyuryathā iti | pūrvavat |
5.10.p3
ā.bhā. - bāhyāpekṣayā sūkṣmeṇa vāyurūpeṇa dṛṣṭāntena tadeva sarvāntarātmatvaṃ paramātmanaḥ punardraḍhayati | vyākhyānantu pūrvavat | pañcīkaraṇaprakriyayā vāyorvahnāvapi praviṣṭatvena, brahmāpekṣayā'sya dṛṣṭāntasya sūkṣmatvamiti dhyetam | yathā vāyuḥ bhuvanāntargatasarvavastuṣu antarbahiśca vyāpya tiṣṭhati; tathā paramātmā'pi antarbahiśca sarvavastuṣu vyāpya vartata iti bhāvaḥ ||
Linked texts (1)
- Kaṭhopaniṣad — Sanskrit