Kauṣītaki Upaniṣad 2.11
Kauṣītakyupaniṣadbhāṣya (Raṅgarāmānuja) 2.11
- Language
- Sanskrit
2.11
atha proṣyā''yan putrasya mūrdhānamabhijighret, aṅgādaṅgāt saṃbhavasi hṛdayādadhijāyase | ātmā vai putranāmāsi sa jīva śaradaḥ śatam iti ; nāmāsya dadhāti | aśmā bhava paraśurbhava hiraṇyamastṛtaṃ bhava | tejo (vedo) vai putranāmāsi sa jīva śaradaḥ śatam iti ; nāmāsya gṛhṇāti | athainaṃ parigṛṅṇāti, ye prajāpatiḥ prajāḥ paryagṛhṇāt tadahiṣṭyai tena tvā parigṛhṇāmyasau iti | athāsya dakṣiṇe karṇe japati, asmai prayandhi maghavannṛjīṣin iti | indraśreṣṭhāni draviṇāni dhehi iti savye | mā chetthā mā vyathiṣṭhāḥ śataṃ śarada āyuṣo jīvasva putra te nāmnā mūrdhānamabhijighrāmi iti trirasya mūrdānamabhijighret | gavāṃ tvā hiṅkāreṇābhihiṅkaromi iti trirasya mūrdhānamabhihiṅkuryāt ||
2.11.p1
athāto daivaḥ parimaraḥ - etadvai brahma dīpyate yadagnirjvalati ; athaitanmriyate, yanna jvalati | tasyādityameva tejo gacchati ; vāyuṃ prāṇaḥ | etadvai brahma dīpyate, yadādityo dṛśyate ; athetanmriyate yanna dṛśyate | tasya candamasameva tejo gacchati ; vāyuṃ prāṇaḥ | etadvai brahma dīpyate, yaccandramā dṛśyate ; athaitanmriyate, yanna dṛśyate | tasya vidyutameva tejo gacchati ; vāyuṃ prāṇaḥ | etadvai brahma dīpyate, yad vidyud vidyotate ; athaitanmriyate, yanna vidyotate | tasyā diśa eva (vāyumeva) tejo
Linked texts (1)
- Kauṣītakibrāhmaṇopaniṣad — Sanskrit