Kauṣītaki Upaniṣad 2.2
Kauṣītakyupaniṣadbhāṣya (Raṅgarāmānuja) 2.2
- Language
- Sanskrit
2.2
prāṇo brahmeti ha smāha paiṅgyaḥ | tasya ha vā etasya prāṇasya brahmaṇo vāk parastāt cakṣurārundhe ; cakṣuḥ parastācchrotramārundhe;, śrotraṃ parastānmana ārundhe ; manaḥ parastāt prāṇa ārundhe ; tasmai vā etasmai prāṇasya brahmaṇa etāḥ sarvā devatā ayācamānāya baliṃ haranti | evaṃ haivāsmai sarvāṇi bhūtānyayācamānāyaiva baliṃ haranti, ya evaṃ veda | tasyopaniṣat, na yācediti | tad yathā grāmaṃ bhikṣitvā'labdhvopaviśet, nāhamato dattamaśnīyāmiti, ta evainamupamantrayante, ye purastāt pratyācakṣīran | eṣa dharmo'yācato bhavati, annādāstvevainamupamantrayante, dadāma ta iti ||
2.2.p1
athāta ekadhanāvarodhanam, yadekaghanamabhidhyayāt, paurṇamāsyāṃ vā'māvāsyāyāṃ vā śuddhapakṣe vā puṇye nakṣatre eteṣāmekasmin parvaṇyagnimupasamādhāya parisamūhya paristīrya paryukṣya dakṣiṇaṃ jānvācya sruveṇājyāhutīrjuhoti, vāṅganāma devatā'varodhanī sā me'muṣmādidamavarundhyāt tasyai khāhā, cakṣurnāma devatā'varodhanī sā me'muṣmādidamavarundhyāt tasyai khāhā’ śrotraṃ nāma devatā'varodhanī sā me'muṣmādidamavarundhyāt tasyai khāhā mano nāma devatā'varodhanī sā me'muṣmādidamavarundhyāt tasmai khāhā iti | atha dhūmagandhaṃ prajighrāya
Linked texts (1)
- Kauṣītakibrāhmaṇopaniṣad — Sanskrit