Kauṣītaki Upaniṣad 1.6.2

1.6.2

kena karaṇabhūtena rūpeṇa vā, me mama brahmaṇaḥ sarvātmanaḥ, pauṃsāni puṃlliṅgasambandhīni nāmāni nāmadheyānyāpnoṣi prāpnoṣi | ityanena prakāreṇa brahmaṇā pṛṣṭe prāṇena pañcavṛttyātmakena sādhidaivikena karaṇena rūpeṇa vā iti brūyāt, anena prakāreṇa pratyuttaraṃ vadedupāsakaḥ| punarbrahmā pṛcchati kena karaṇena rūpeṇa vā strīnāmāni strīliṅganāmadheyāni āpnoṣītyatra vakṣyamāṇeṣu cānuvartate | ityanena prakāreṇa pṛṣṭe vācā prāṇaniṣpādyayā varṇābhivyaktihetubhūtayā ityanena prakāreṇa brūyādityanuvartate'tra vakṣyamāṇeṣu ca | punaḥ pṛcchati kena karaṇena rūpeṇa vā napuṃsakāni napuṃsakaliṅganāmāni | ityanena prakāreṇa evaṃ pṛṣṭe uttaramāha manasā antaḥkaraṇena sādhidaivikena iti anena prakāreṇa | punaḥ pṛcchati kena karaṇena gandhān pṛthivyekaguṇān iti anena prakāreṇa | uttaramāha prāṇena sādhidaivikena ityeva brūyāt anena prakāreṇa vadet brūyādityanuvartate, ityetadarthaṃ madhye'pi grahaṇamante ca grahīṣyati | evakāraḥ prāṇaśabdasya dvirabhidhānaṃ kathaṃ karaṇīyamitiśaṅkānivāraṇārthaḥ| punaḥ pṛcchati kena karaṇena rūpāṇi tejo'bannaguṇabhūtānītyanena prakāreṇa | cakṣuṣā netrena sādhidaivikena karaṇeneti anena prakāreṇa | kena