Kena Upanishad 4.7
Kenaprakāśikā (Raṅgarāmānuja) 4.7
- Language
- Sanskrit
4.7
upaniṣadaṃ bho brūhīti | uktā ta upaniṣat |
brāhmīṃ vāva ta upaniṣadamabrūmeti ||
4.7.p1
[ bhagavadanugrahasādhakopaniṣat ]
4.7.p2
pra.dī. - bho ācārya ! upaniṣadam - bhagavadanugrahasādhana- pratipādakopaniṣadam brūhīti - śiṣyeṇokte sati āha - ācāryaḥ | te - tava upaniṣat - brahmapratipādikā upaniṣat uktā, vāva avadhāraṇārthakaḥ ; uktaivetyarthaḥ | tathā ca vayaṃ brahmapratipādikāṃ pradhānopaniṣadam avocāmaiva iti bhāvaḥ | brāhmīm - brahmānugrahasādhanapratipādikām , upaniṣadaṃ te abrūmeti | vakṣyāmaḥ ; śuśrūṣave tubhyaṃ vakṣyāmi iti bhāvaḥ ||
4.7.p3
pra. - evam ātmanā vindate vīryam ityarthe sthite sati, vīryāvāptihetubhūtabhagavadanugrahasādhanapratipādikām upaniṣadaṃ pṛcchati upaniṣadaṃ bho 1brūhīti1 | itara āha - uktā ta upaniṣat brāhmīṃ vāva ta
4.7.p4
upaniṣadamabrūmeti | brahmapratipādikāṃ pradhānopaniṣadamavocāma | ataḥ pradhānopaniṣaduktaiva | sādhana- pratipādikāñcopaniṣadaṃ 2vakṣyāmi2, yadi śuśrūṣase iti bhāvaḥ ||
4.7.p5
[ upaniṣadrahasyaviṣayakapraśnaprativacanam ]
4.7.p6
ā.bhā. - pūrvoktaṃ sarvaṃ śrutvā śiṣyaḥ punarācāryaṃ pṛcchati - bho ācārya ! upaniṣadaṃ rahasyaṃ brūhi - upadiśa | tadā ācāryaḥ uttarayati uktā ta upaniṣaditi | upaniṣatpratipādyaṃ rahasyaṃ mayā tubhyaṃ sarvamuktam | tadeva dṛḍhīkartumāha ācāryaḥ - brāhmīṃ vāva ta upaniṣadamabrūmeti | te - tubhyaṃ brāhmīṃ1 - brahma- viṣayakam upaniṣadam - upaniṣatsvarūpam abrūma - uktavānasmi | vāva - evārthe | brahmeti hovāca ityādinā brahmaṇaḥ pratipādanaṃ kṛtameva ; ataḥ upaniṣatpratipādyaṃ rahasyaṃ tubhyamupadiṣṭameva ; nātra kimapyavaśiṣṭaṃ paśyāmi ; yadvadeyam iti bhāvaḥ ||
4.7.p7
su. - evamupadiṣṭaḥ śiṣyaḥ, brahmavidyāyāṃ nirūpitāyāmapi tadupāyarahasyaṃ jijñāsuḥ paripṛcchati - upaniṣadaṃ bho brūhīti | upaniṣadam rahasyaṃ, vaktavyaṃ rahasyaṃ brūhītyarthaḥ | ācārya āha - ukteti | te - tubhyam , upaniṣaduktā | uktetyetadeva draḍhayati - brāhmīmiti | brahmavidyāmabrūma kila te | vāva iti evārthakam | uktaiva brahmavidyā ; nātrāvaśiṣṭaṃ kiñcit | kintu tadupayogi tu vakṣyamāṇaṃ śṛṇu iti bhāvaḥ ||
Linked texts (1)
- Kenopaniṣad — Sanskrit