Kena Upanishad 2.2-2

2.2-2

na ahaṃ manye suvedeti, naivāhaṃ manye suveda brahmeti| naiva tarhi viditaṃ tvayā brahmetyukte āha--no na vedeti veda ca| veda ceti ca śabdānna veda ca|
nanu vipratiṣiddhaṃ nāhaṃ manye suvedeti, no na vedeti, veda ca iti| yadi na manyase suvedeti, kathaṃ manyase veda ceti| atha manyase vedaiveti, kathaṃ na manyase suvedeti| ekaṃ vastu yena jñāyate, tenaiva tadeva vastu na suvijñāyata iti vipratiṣiddhaṃ saṃśayaviparyayau varjayitvā| na ca brahma saṃśayitatvena jñeyaṃ viparītatvena veti niyantuṃ śakyam| saṃśayaviparyayau hi sarvatrānarthakaratvenaiva prasiddhau|
evamācāryeṇa vicālyamāno'pi śiṣyo na vicacāla, ’anyadeva tadviditādatho aviditādadhi’ityācāryoktāgamasampradāyabalāt upapattyanubhavabalācca; jagarja ca brahmavidyāyāṃ dhḍhaniścayatāṃ darśayannātmanaḥ| kathamityucyate--yo yaḥ kaścid naḥ asmākaṃ sabrahmacāriṇāṃ madhye tanmaduktaṃ vacanaṃ tacvato veda, sa tahrahma veda|
kiṃ punastadvacanamityata āha no na vedeti veda ca iti| yadeva ’anyadeva tadviditādatho aviditādadhi’ ityuktam, tadeva vastu anumānānubhavābhyāṃ saṃyojya niścitaṃ vākyāntareṇa no na vedeti veda ca ityavocat ācāryabuddhisaṃvādārthaṃ mandabuddhigrahaṇavyapohārthaṃ ca| tathā ca garjitamupapannaṃ bhavati ’yo nastadveda tadveta’ iti ||

2.2-2.p1

śiṣyācāryasaṃvādātpratinivṛcya svena rūpeṇa śrutiḥ samastasaṃvādanirvṛttamarthameva bodhayati--yasyāmatamityādinā--

11. It is Known to him to whom it is Unknown;. he knows it not to whom it is known. (It is) Unknown to those who know, and Known to those who do not know. (11)