Mahaitareya 10

Language: Sanskrit

10.p1

anenaiva gṛhīto hi prāṇo'pānena saṃyutaḥ | anena hariṇā yasmānniyato na parāṅ bhavet || amartyastatprasādena vāyurdehaiḥ saha sthitaḥ | anityā api dehāste śaśvat santyā vimokṣataḥ || sthūlasūkṣmavibhāgena kimu vāyurjagatprabhuḥ | nānāgatī ca tāvetau vāyuḥ prāpnoti keśavam || śarīraṃ tu vinaṣṭaṃ sat pañcatvamupagacchati | jaḍaṃ tajjaḍatāmeti cetanā vāyudevatā || cetaneśaṃ hariṃ yāti viruddhagamanau ca tau | ūrdhvaṃ gacchati devaḥ sa deho'dhaḥ patatikṣitau || dṛśyate taccharīraṃ cāpyadṛśyā vāyudevatā | ya evaṃ veda taṃ vāyumamṛtaṃ sarvanāyakam || pūrṇānandena hariṇā gṛhītaṃ tadvaśaṃ sadā | sa mukto lokamāpnoti viṣṇormuktaiśca dṛśyate || iti ca

10.p2

catasro mūrtayaḥ| nāsikāyāṃ yannetrayormadhye vinatamiva kiñcinnatasthānaṃ tat sūryalokasthānīyaṃ vidyāt

10.p3

acintyāttu tathaiśvaryādiko'pi bahurūpavān | prakāśayed yathā viṣṇuḥ sarvatrāpyaviśeṣavān || na viśeṣo hi rūpāṇāṃ matsyādīnāṃ kathañcana | naiśvarye na bale caiva nā'nandādiguṇeṣvapi

10.p4

saṃhitāyāṃ yatra dairghyaṃ pade yatra na vidyate | uktārthasya mahādhikyaṃ śrutestatra vivakṣitam

10.p5

eṣa imaṃ lokamabhyārcatpuruṣarūpeṇa ya eṣa tapati prāṇo vāva tadabhyārcatprāṇo hyeṣa ya eṣa tapati | taṃ śataṃ varṣāṇyabhyārcattasmācchataṃ varṣāṇi puruṣāyuṣo bhavanti taṃ yacchantaṃ varṣāṇyabhyārcattasmācchatatarcinastasmācchatatarcina ityācakṣata etameva santaṃ sa idaṃ sarvaṃ madhyato dadhe yadidaṃ kiñca sa yadidaṃ sarvaṃ madhyato dadhe yadidaṃ kiñca tasmānmādhyamāstasmānmādhyamā ityācakṣata etameva santaṃ prāṇo vai gṛtso'pāno madaḥ sa yatprāṇo gṛtso'pāno madastasmādgṛtsamada ityācakṣata etameva santaṃ tasyedaṃ viśvaṃ mitramāsīdyadidaṃ kiñca tadyadasyedaṃ viśvaṃ mitramāsīdyadidaṃ kiñca tasmādviśvāmitrastasmādviśvāmitra ityācakṣata etameva santaṃ taṃ devā abruvannayaṃ vainaḥ sarveṣāṃ vāma iti taṃ yadevā abruvannārthanainaḥ sarveṣāṃ vāma iti tasmādvāmadevastasmādvāmadeva ityācakṣata etameva santaṃ sa idaṃ sarvaṃ pāpmano trāyata yadidaṃ kiñca sa yadidaṃ sarvaṃ pāpmano trāyata yadidaṃ kiñca tasmādatra yastasmādatraya ityācakṣata etameva santam || 1

10.p6

iti prathamaṃ brāhmaṇam

Linked texts (2)

Aitareyāraṇyaka — Sanskrit
Daśopaniṣad — Sanskrit