Pramāṇa · Search · About · API

Mahaitareya 32

Mahaitareya 32

Language
Sanskrit

32.p1

sa naḥ svāmī yadudare yamanād yāmanāmake| āvikṣma hi vayaṃ sarve vṛkṣe yadvat patatriṇaḥ

32.p2

īyenākhyāstu sukhīnattvādā samantāt surottamāḥ| paṅkto mānuṣāścaiva pādamātraprayāyinaḥ| grāmākhyā bahulatvāttu daityā eva prakīrtitāḥ| arthinastu kṛtārthatvānmuktā eva śrutāḥ śrutau

32.p3

ūrīkṛtapramāṇatvādūrmyaḥ sa bhagavān hariḥ| vṛkāstenaiva niryāpyā vṛkāḥ krūratvato'surāḥ| tatsvabhāvāśca vṛkyāḥ syuḥ stenāstatra mahāsurāḥ| brahmastenā yataste hi nityamaikātmyavedinaḥ| viṣṇuḥ sukhataraścaiva bhaktānāṃ bhavati prabhuḥ

32.p4

bhāṣyam-

32.p5

rātrisūktopāsanayā muktiprāptiḥ

32.p6

………………… evamarthena pūjyate | rātrisūktena bhagavān sākṣānnārāyaṇaḥ prabhuḥ | tatsannidhānād durgāyā eṣo'rtha upacārataḥ | evaṃ stutastathaiveṣṭo bhagavān mokṣado bhavet

32.p7

sannyāsibhirapi kartavyo rātrīsūktajapaḥ

32.p8

yadantītyādyṛcaḥ sarvā api duḥsvapnadarśane | japyā eva viśeṣo'yaṃ homo duḥsvapnadarśane | parokṣajñānino viṣṇorāparokṣyaṃ vrajet tvaran | aparokṣadaśaḥ prītaḥ sukhādhikyaṃ karotyajaḥ | muktasya dvividhaistasmājjapo yāgaśca sarvathā | kartavyo nyāsibhī rātrisūktaṃ jāpyaṃ triśo'ñjasā || ityādyaitareyasaṃhitāyām

32.p9

‘yadanti yacca dūrake bhayaṃ vindati māmiha| pavamāna vitajjahi || 1

32.p10

pavamānaḥ so adya naḥ pavitreṇa vicarṣaṇiḥ| yaḥ potā sa punātu naḥ || 2

32.p11

yatte pavitramarciṣyagne vitatatamantarā| brahma tena punīhi naḥ || 3

32.p12

yatte pavitramarcivadagne tena punīhi naḥ| brahmasavaiḥ punīhi naḥ || 4

32.p13

ubhābhyāṃ deva savitaḥ pavitreṇa savena ca| māṃ punīhi viśvataḥ || 5

32.p14

savena prasavena cetyubhābhyāṃ māṃ viśvataḥ sarvasmāt punīhi | na punaḥ prasāda-

32.p15

tribhiṣṭvaṃ devasavitarvarṣiṣṭhaiḥ somadhāmabhiḥ | agne dakṣaiḥ punīhi naḥ || 6

32.p16

punantu māṃ devajanāḥ punantu vasavo dhiyā | viśvedevāḥ punīta mā jātavedaḥ punīhi mā || 7

32.p17

āditpratnasya retaso jyotiṣpaśyanti vāsaram | paro yadidhyate divā

32.p18

yatra brahmā pavamānaḥ chandasyāṃ'3 vācaṃ vadan| grāvṇā some mahīyate somenānandaṃ janayannindrāyendo parisrava || 1

32.p19

yatra jyotirajasraṃ yasmiṃlloke svarhitam| tasmin mā dhehi pavamānāmṛte loke akṣita indrāyendo parisrava || 2

32.p20

yatrānukāmaṃ caraṇaṃ trināke tridive divaḥ| lokā yatra jyotiṣmantastatra māmamṛtaṃ kṛdhīndrāyendo parisrava || 3

32.p21

yatra kāmā nikāmāśca yatra bradhnasya viṣṭapam| svadhā ca yatra tṛptiśca tatra māmamṛtaṃ kṛdhīndrāyendo parisrava || 4

32.p22

yatra rājā vaivasvato yatrāvarodhanaṃ divaḥ| yatrāmūryahvatīrāpastatra māmamṛtaṃ kṛdhīndrāyendo parisrava || 5

32.p23

yatrānandāśca modāśca mudaḥ pramuda āsate| sya yatrā''śāḥ kāmāstatra māmamṛtaṃ kṛdhīndrāyendo parisrava || 6

32.p24

udgayaṃ tamasaspari jyotiṣpaśyanta uttaram| devaṃ devatrā sūryamaganma jyotiruttamam

32.p25

rārtrivyakhyadāyatī purutrā devyā1kṣabhiḥ| viśvā adhiśriyo'dhita || 1

32.p26

orvaprā amartyā nivato devyudvataḥ| jyotiṣā bādhate tamaḥ || 2

32.p27

nirusvasāramaskṛtoṣasaṃ devyāyatī| apeduhāsate tamaḥ || 3

32.p28

sā no adya yasya vayaṃ nite yāmannavikṣmahi| vṛkṣena vasatiṃ vayaḥ || 4

32.p29

nigrāmāso avikṣata nipadvanto nipakṣiṇaḥ| niśyenāsaścidarthinaḥ || 5 || yā vayā vṛkyaṃ1 vṛkaṃ yavayastena sūrye | athānaḥ sutarā bhava || 6

32.p30

upamāpepiśattamaḥ kṛṣṇaṃ vyaktamasthita | uṣa ṛṇeva yātaya || 7

32.p31

upa te gā ivākaraṃ vṛṇīṣva duhitardivaḥ | rātristomaṃ na jigyuṣe || 8

32.p32

atha khalviyaṃ sarvasyai vāca upaniṣat sarvā hyevemāḥ sarvasyai vāca upaniṣada imāṃ tvevā'cakṣate || pṛthivyā rūpaṃ sparśā antarikṣasyoṣmāṇo divaḥ svarā agne rūpaṃ sparśā vāyorūṣmāṇa ādityasya svarā ṛgvedasya rūpaṃ sparśā yajurvedasyoṣmāṇaḥ sāmavedasya svarāścakṣuṣo rūpaṃ sparśāḥ || śrotrasyoṣmāṇo manasaḥ svarāḥ prāṇasya rūpaṃ sparśā apānasyoṣmāṇo vyānasya svarāḥ || atha khalviyaṃ daivī vīṇā bhavati tadanukṛtirasau mānuṣī vīṇā bhavati || yathā'syāḥ śira evamamuṣyāḥ śiro yathā'syā udaramevamamuṣyā ambhaṇaṃ yathā'syai jihvaivamamuṣyai vādanam || yathā'syāstantraya evamamuṣyāḥ sparśāḥ yathā hyeveyaṃ śabdavatī tarhyavatyevamasau śabdavatī tarhyavatī || yathā hyeveyaṃ lomaśena carmaṇā pihitā bhavatyevamasau lomaśena carmaṇā pihitā lomaśena ha smavai carmaṇā purā vīṇā apidadhāti sa yo haitāṃ daivīṃ vīṇāṃ veda || śrutavadano bhavati bhūmiprāḍasya kīrtirbhavati yatra ka cāryā vāco bhāṣante vidurenaṃ tatra

32.p33

athāto vāgraso yasyāṃ saṃsadyadhīyāno vā bhāṣamāṇo vā na virurucuṣeta || tatraitāmṛcaṃ japet- 'oṣṭhā pidhānā na kulī dantaiḥ pari vṛtā paviḥ || sarvasyai vāca īśānā cāru māmiha vādayet' iti vāgrasaḥ

32.p34

iti ṣaṣṭhaṃ brāhmaṇam

Linked texts (7)