Mahaitareya 7

Language: Sanskrit

7.p1

athāto vibhūtayo'sya puruṣasya tasya vācā sṛṣṭau pṛthivī cāgniścāsyāmoṣadhayo jāyante'grirenāḥ svadayatīdamāharatedamāharatetyevametau vācaṃ pitaraṃ paricarataḥ pṛthivī cāgniśca yāvadanu pṛthivī yāvadanvagnistāvānasya loko bhavati nāsya tāvalloko jīyate yāvadetayorna jīyate pṛthivyāścāgneśca ya evametāṃ vāco vibhūtiṃ veda

7.p2

vedanaṃ hyāparokṣyeṇa mukhyaṃ bhavati nānyathā || ekadeśavido yasmāt parokṣajñānino'khilāḥ | āparokṣyaṃ bhaved yasmānnaivopāsāmṛte kacit || tasmādupāsāpūrvaṃ tu yo'parokṣaṃ prapaśyati | sa eva veda nānyastu yogyaścaivāparokṣadṛk || tasmād yogyasyoktaphalamanyeṣāṃ kiñcideva hi

7.p3

upaniṣat-

7.p4

viṣṇunā viśveśvarabhūtavāyvoḥ sṛṣṭiḥ

7.p5

prāṇena sṛṣṭāvantarikṣaṃ ca vāyuścāntarikṣaṃ vā anu carantyantarikṣamanu śṛṇvanti vāyurasmai puṇyaṃ gandhamāvahatyevametau prāṇaṃ pitaraṃ paricarato'ntarikṣaṃ ca vāyuśca yāvadanvantarikṣaṃ yāvadanu vāyustāvānasya loko bhavati nāsya tāvalloko jīryate yāvadetayorna jīryate'ntarikṣasya ca vāyośca ya evametāṃ prāṇasya vibhūtiṃ veda

7.p6

viṣṇoścakṣuṣā dyauścādityaśca sṛṣṭau

7.p7

cakṣuṣā sṛṣṭau dyauścādityaśca dyaurhāsmai vṛṣṭimannādyaṃ samprayacchatyādityo'sya jyotiḥprakāśaṃ karotyevametau cakṣuḥ pitaraṃ paricarato dyauścādityaśca yāvadanu dyauryāvadanvādityastāvānasya loko bhavati nāsya tāvalloko jīryate

7.p8

yāvadetayorna jīryate divaścādityasya ca ya evametāṃ cakṣuṣo vibhūtiṃ veda

7.p9

viṣṇoḥ śrotreṇa diśaśca candramāśca sṛṣṭau

7.p10

śrotreṇa sṛṣṭā diśaśca candramāśca digbhyo hainamāyantī3 || digbhyo viśṛṇoti candramā asmai pūrvapakṣāparapakṣān vicinoti puṇyāya karmaṇā evamete śrotraṃ pitaraṃ paricaranti diśaśca candramāśca yāvadanu diśo yāvadanu candramāstāvānasya loko bhavati nāsya tāvalloko jīryate yāvadeteṣāṃ na jīryate diśāṃ ca candramasaśca ya evametāṃ śrotrasya vibhūtiṃ veda

7.p11

manasā sṛṣṭā āpaśca varuṇaśca

7.p12

manasā sṛṣṭā āpaśca varuṇaścāḍapo hāsmai śraddhāṃ sannamante puṇyāya karmaṇe varuṇo'sya prajāṃ dharmeṇa dādhāraivamete manaḥ pitaraṃ paricarantyāpaśca varuṇaśca yāvadanvāpo yāvadanu varuṇastāvānasya loko bhavati nāsya tāvalloko jīryate yāvadeteṣāṃ na jīryate'pāṃ ca varuṇasya ca ya evametāṃ manaso vibhūtiṃ veda

7.p13

iti saptamaṃ brāhmaṇam

Linked texts (5)

Aitareyāraṇyaka — Sanskrit
Bahvṛcāraṇyabhāṣya — Sanskrit
Daśopaniṣad — Sanskrit
Aitareyāraṇyaka (Aitareya Mahīdāsa) — Aitareya Mahīdāsa, Sanskrit
Dvitīyāraṇyaka — Sanskrit