Muṇḍaka Upaniṣad 1.4.10
Muṇḍakaprakāśikā (Raṅgarāmānuja) 1.4.10
- Language
- Sanskrit
1.4.10
[ karmiṇāṃ punarāptiprakāraḥ ]
iṣṭāpūrta manyamānā variṣṭhaṃ nānyacchreyo vedayante pramūḍhāḥ | nākasya pṛṣṭhe te sukṛte'nubhūtvā imaṃ lokaṃ hīnataraṃ 1vā viśanti1 ||
1.4.10.p1
pra.dī. - iṣṭāpūrtam iti | ye pramūḍhāḥ - atyantāvivekinaḥ 1 iṣṭāpūrtam - phalābhisandhiyuktakāmyayajñāni taṭākapratiṣṭhādikaṃ variṣṭham - śreṣṭhaṃ manyamānāḥ santaḥ anyacchreyo na vedayante - etadanyadakṣīṇaniratiśayamokṣasukhamastīti na jānanti | te nākasya pṛṣṭhe - svargalokāduparibhāgasthite sukṛte - sukṛtasādhye satyalokādau anubhūtvā - sukṛtaphalabhūtasvargādikam atubhūya imaṃ lokaṃ paridṛśyamānaṃ manuṣyalokaṃ hīnataram - narakādilokaṃ ca āviśanti - praviśanti ||
1.4.10.p2
pra. - iṣṭāpūrta manyamānā variṣṭha miti | iṣṭaṃ yāgādi | pūrtaṃ khātādi | etadeva akhilapuruṣārthasādhanaṃ manyamānāḥ | nānyacchreyo vedayante pramūḍhāḥ | śreyontaraṃ na jānanti ityarthaḥ | nākasya pṛṣṭhe iti | te sukṛte - sukṛtasādhye svargalokādyūrdhvaloke karmaphalam anubhūya imaṃ lokaṃ - manuṣyalokam , tato hīnataraṃ vā - narakādilakṣaṇaṃ viśanti ||
1.4.10.p3
ā.bhā. - iṣṭaṃ ca pūrtaṃ ca iṣṭāpūrte | pṛṣodarāditvātpūrvapadasya dīrghatā | yāgādiśrautaṃ karma iṣṭam ityucyate | tadeva variṣṭaṃ - śreṣṭhaṃ manyamānā - jānantaḥ pramūḍhā - atiśayena avivekinaḥ anyat - iṣṭāpūrtāpekṣayā bhinnaṃ śreyaḥ - śreyaḥsādhanaṃ paramātmatattvasākṣātkārarūpaṃ na vedayante - na jānanti te pramūḍhāḥ sukṛte - sukṛtasādhye nākasya pṛṣṭhe - svargaloke anubhūtvā - puṇyaphalaṃ divyava- nitāmṛtapānādisukhamanubhūya
Linked texts (1)
- Muṇḍakopaniṣad — Sanskrit