Muṇḍaka Upaniṣad 2.2.13-2
Muṇḍakopaniṣadbhāṣya 2.2.13-2
- Language
- Sanskrit
2.2.13-2
tasmai sa vidvān gururbrahmavid upasannāyopagatāya samyagyathāśāstramityetat, praśāntacittāya uparatadarpādidoṣāya śamānvitāya bāhyendriyoparameṇa ca muktāya sarvato viraktāyetyetat| yena vijñānena yayā vidyayā parayājakṣaramadreśyādiviśeṣaṇaṃ tadevākṣaraṃ puruṣaśabdavācyaṃ pūrṇatvāt puri śayanācca satyaṃ tadeva paramārthasvābhāvyādakṣaraṃ cākṣaraṇādakṣatatvādakṣayatvācca veda vijānāti tāṃ brahmavidyāṃ tattvato yathāvat provāca prabrūyādityarthaḥ| ācāryasyāpyayaṃ niyamo yannyāyapraptasacchiṣyanistāraṇamavidyāmahodadheḥ ||
2.2.13-2.p1
samāptamidaṃ prathamaṃ muṇḍakam
Linked texts (1)
- Muṇḍakopaniṣad — Sanskrit