Muṇḍaka Upaniṣad 2.2.3-2

Muṇḍakopaniṣadbhāṣya 2.2.3-2

Language: Sanskrit

2.2.3-2

na kriyate yasya, svayaṃ samyagagnihotrakāle'hutam, adarśādivadavaiśvadevaṃ vaiśvadevakarmavarjitam, hūyamānamapyavidhinā hutaṃ na yathāhutamityetad evaṃ duḥsampāditamasampāditam agnihotrādyupalakṣitaṃ karma kiṃ karotītyucyate|
āsaptamānsaptamasahitāṃstasya kartṛlokānhinasti hinastīva āyāsamātraphalatvāt| samyakkriyamāṇeṣu hi karmasu karmapariṇāmānurūpeṇa bhūrādayaḥ satyāntāḥ sapta lokāḥ phalaṃ prāpayante| te lokā evaṃbhūtenāgnihotrādikarmaṇātvaprāpyatvāddhiṃsyanta iva| āyāsamātraṃ tvavyabhicārītyato hinastītyucyate|
piṇḍadānādyanugraheṇa vā sambandhyamānāḥ pitṛpitāmahaprapitāmahāḥ putrapautraprapautrāḥ svātmopakārāḥ sapta lokā uktaprakāreṇāgnihotrādinā na bhavantīti hiṃsyanta ityucyate ||

Previous: 2.2.3.p1
Next: 2.2.4
Up: 2.2

Linked texts (1)

Muṇḍakopaniṣad — Sanskrit