Muṇḍaka Upaniṣad 4.2.6
Muṇḍakopaniṣadbhāṣya 4.2.6
- Language
- Sanskrit
4.2.6
kiṃ ca -
2.2.6
arā iva rathanābhau saṃhatā yatra nāḍyaḥ sa eṣo'ntaścarate bahudhā jāyamānaḥ| omityevaṃ dhyāyatha ātmānaṃsvasti vaḥ pārāya tamasaḥ parastāt ||
4.2.6.p1
arā iva, yathā rathanābhau samarpitā arā evaṃ saṃhatāḥ sampraviṣṭā yatra yasminhṛdaye sarvato dehavyāpinyo nāṭyastasminhṛdaye buddhipratyayasākṣibhūtaḥ sa eṣa prakṛta ātmantarmadhye carate carati vartate; paśyañśṛṇvanmanvāno vijñānanbahudhānekadhā krodhaharṣādipratyayairjāyamāna iva jāyamāno'ntaḥkaraṇopādhyanuvidhāyitvādvadanti laukikā hṛṣṭo jātaḥ kruddho jāta iti| tamātmānam omityevamoṅkārālambanāḥ santo yathoktakalpanayā dhyāyatha cintayata|
4.2.6.p2
uktaṃ vaktavyaṃ ca śiṣyebhya ācāryeṇa jānatā| śiṣyāśca brahmavidyāvidiṣutvānnivṛttakarmāṇo mokṣapathe pravṛttāḥ| teṣāṃ nirvighnatayā brahmaprāptamāśāstyācāryaḥ| svasti nirvighnamastu vo yuṣmākaṃ
Linked texts (1)
- Muṇḍakopaniṣad — Sanskrit