Shankhayaniyopanishad 10: atha navamo'dhyāyaḥ
Śāṅkhāyanīyopaniṣad 10
- Language
- Sanskrit
Contents
- 10.8 — 1 part
atha navamo'dhyāyaḥ
10.1
oṃ tatsaviturvṛṇīmahe vayaṃ devasya bhojanam | śreṣṭhaṃ sarvadhātamaṃ turaṃ
bhagasya dhīmahi | tatsaviturvareṇyaṃ bhargo devasya dhīmahi | dhiyo
yo naḥ pracodayāt | adabdhaṃ mana iṣiraṃ cakṣuḥ sūryo jyotiṣāṃ
śreṣṭho dīkṣe mā mā hiṃsīḥ
10.2
yo ha vai jyeṣṭhaṃ ca śreṣṭhaṃ ca veda jyeṣṭhaśca ha vai śreṣṭhaśca svānāṃ
bhavati prāṇo vai jyeṣṭhaśca śreṣṭhaśca yo ha vai vasiṣṭhāṃ veda vasiṣṭho ha
svānāṃ bhavati vāgvai vasiṣṭhā yo ha vai pratiṣṭhāṃ veda pratiha tiṣṭhatyasmiṃśca loke'muṣmiṃśca cakṣurha pratiṣṭhā yo ha vai saṃpadaṃ veda saṃ hāsmai
kāmāḥ padyante śrotraṃ ha vā u saṃpadyo ha vā āyatanaṃ vedā''yatano ha svānāṃ bhavati mano vā āyatanamatha hemā devatāḥ prajāpatiṃ pitarametyābruvanko vai naḥ śreṣṭha iti sa hovāca prajāpatiryasminva utkrānte śarīraṃ pāpiṣṭhamiva manyeta sa vai śreṣṭha iti
10.3
sā ha vāguccakrāma yathā mūkā avadantaḥ prāṇantaḥ prāṇena
paśyantaścakṣuṣā śṛṇvantaḥ śrotreṇa dhyāyanto manasaibamiti
10.4
cakṣurhoccakrāma yathā'ndhā apaśyantaḥ prāṇantaḥ prāṇena vadanto
vācā śṛṇvantaḥ śrotreṇa dhyāyanto manasaibamiti
10.5
śrotraṃ hoccakrāma yathā badhirā aśṛṇvantaḥ prāṇantaḥ prāṇena vadanto
vācā paśyantaścakṣuṣā dhyāyanto manasaibamiti
10.6
mano hoccakrāma yathā bālā amanasaḥ prāṇantaḥ prāṇena
vadanto vācā paśyantaścakṣuṣā śṛṇvantaḥ śrotreṇaibamiti
10.7
prāṇo hoccakrāma tatastadyatheha saindhavaḥ suhayaḥ paḍḍīśaśaṅkūnsamakhidedevamasau prāṇānsamakhidatte ha sametyocurbhagavanmotkramīriti
sa hovāca prāṇaḥ kiṃ me annaṃ bhaviṣyati yatkiṃcā''śvabhya ivā''śakunibhya iti kiṃ me vāso bhaviṣyatītyāpa iti hocustasmādvā
eyamaśiṣyanpurastāccopariṣṭāccādbhiḥ paridadhati lambhuko hāsya
vāso bhavatyanagno ha bhavati taddha smaitatsatayakāmo jābālo gośrute
vaiyāghrapadyāyoktvovācāṣyevaṃ śuṣkasya sthāṇoḥ prabrūyājjāyerannasya śākhāḥ praroheyuḥ palāśānīti vanaspate śatavalśo viroheti
dyāṃ mā lekhīrantarikṣaṃ mā mā hiṃsīriti yājñavalkyaḥ
10.8
atha yadi mahajjigamiṣeccirārātraṃ dīkṣitvā'māvāsyāyāṃ sarvāaiṣadhasya manthaṃ dadhimadhubhyāmupamandhyāgnimupasamādhāya parisamuhya paristīrya paryukṣya dakṣiṇaṃ jānvācyottarato'gneḥ kaṃse manthaṃ kṛtvā
hutvā homānmanthe saṃpātamānayejjaiṣṭhyāya śreṣṭhyāya svāhetyagnau
hutvā manthe saṃpātamānayedvasiṣṭhāyai svāhetyagnau hutvā manthe saṃpātamānayetpratiṣṭhāyai svāhetyagnau hutvā manthe saṃpātamānayetsaṃpade svāhetyagnau hutvā manthe saṃpātamānayedāyatanāya svāhetyagnau hutvā manthe
saṃpātamānayettatsaviturvṛṇīmaha iti pacchaḥ prāśya tatsaviturvareṇyamiti paccha ācāmati mahāvyāhṛtibhiścaturthaṃ nirṇijya kāṃsyaṃ
carmaṇi vā sthaṇḍile vā saṃviśati sa yadi striyaṃ paśyetsampṛddhaṃ
karmeti vidyātsampṛddhaṃ karmeti vidyāt
10.8.p1
iti śāṅkhāyanāraṇyake navamo'dhyāyaḥ || 9
Linked texts (1)
- Śāṅkhāyanāraṇyaka — Sanskrit