Shikshavalli 6
Śikṣāvallī 6
- Language
- Sanskrit
6.1
vedamanūcyācāryo 'ntevāsinama̍nu̱śāsti̍
sa̱tyaṃ vada | dha̱rmaṃ cara | svādhyāyā̍nmā pramadaḥ
ācāryāya priyaṃ dhanamāhṛtya prajātantuṃ mā
vyavacche̍tsīḥ | satyānna prama̍dita̱vyam | dharmā̍nna
prama̍dita̱vyam | kuśalānna prama̍dita̱vyam | bhūtyai
na prama̍dita̱vyam | svādhyāyapravacanābhyāṃ na
prama̍dita̱vyam
6.2
devapitṛkāryābhyāṃ na prama̍dita̱vyam | mātṛ̍de̱vo bhava | pitṛ̍de̱vo bhava
ācārya̍de̱vo bhava | atithi̍de̱vo bhava | yānyanavadyāni̍ karmā̍ṇi | tāni sevi̍tavyā̍ni | no
īta̍rāṇi | yānya̱smākam̐̍ su̱cari̍tāni | tāni
tvayo̍pā̱syā̍ni
6.3
no ita̍rāṇi | ye ke
cā̱smacchreyām̐̍so brā̍hmaṇāḥ | teṣā̱ṃ tvayā''sa̍nena pra̱śvasi̍tavyam | śra̱ddhayā de̍yam
aśra̍ddhayā'deyam | śriyā de̍yam | hriyā de̍yam
bhiyā de̍yam | sa̱ṃvidā̍ de̱yam | atha yadi̍ te karmavicikitsā vā vṛttavicikitsā vā syāt
6.4
ye tatra brāhma̍ṇāḥ sa̱ṃmarśi̍naḥ | yu̱ktā ā̱yuktā̍ḥ
alū̍kṣā dharma̍kāmāḥ syuḥ| yathā te tatra̍ varteran | tathā tatra̍ vartethāḥ | athābhyākhyāteṣu
ye tatra brāhma̍ṇāḥ sa̱ṃmarśi̍naḥ | yu̱ktā ā̱yuktā̍ḥ
alū̍kṣā dharma̍kāmāḥ syuḥ | yathā te teṣu̍ varteran | tathā teṣu̍ vartethāḥ | e̱ṣa ā̱deśa̍ḥ | e̱ṣa
u̍padeśa̍ḥ | e̱ṣā ve̍dopa̱niṣat̍ | e̱tada̍nu̱śāsanam̍
no
evamupā̍sita̱vyam | evamu̱caita̍du̱pāsyam
6.11
ni
ke
svādhyāyapravacanābhyāṃ na prama̍dita̱vyaṃ tāni
tvayo̍pāsyā̍ni syātteṣu̍ vartèran sapta ca