Upanishads 246

Upaniṣads 246

dvitīyo'dhyāyaḥ

yuñjānaṃ prathamaṃ manastattvāya savitā dhiyaḥ| agnerjyotirnicāyya pṛthivyā adhyābharat

yuktena manasā vayaṃ devasya savituḥ save| suvargeyāya śaktyā

yuktvāya manasā devānsuvaryato dhiyā divam| bṛhajjyotiḥ kariṣyataḥ savitā prasuvāti tān

yuñjate mana uta yuñjate dhiyo viprā viprasya bṛhato vipaścitaḥ| vihotrā dadhe vayunā videka inmahi devasya savituḥ pariṣṭutiḥ

yuje vāṃ brahma pūrvyaṃ namobhirviślokāyanti pathyeva sūrāḥ| śṛṇvanti viśve amṛtasya putrā āye dhāmāni divyāni tasthuḥ

agniryantrābhimathyate vāyuryantrābhiyujyate| somo yatrātiricyate tatra saṃjāyate manaḥ

savitrā prasavena juṣeta brahma pūrvyam| tatra yoniṃ kṛṇvase nahi te pūrvamakṣipat

trirunnataṃ sthāpya samaṃ śarīraṃ hṛdīndriyāṇi manasā saṃnirudhya| brahmoḍupena pratareta vidvānsrotāṃsi sarvāṇi bhayāvahāni

prāṇānprapīḍyeha sa yuktaceṣṭaḥ kṣīṇe prāṇe nāsikayocchvasīta| duṣṭāśvayuktamiva vāhamenaṃ vidvānmano dhārayetāpramattaḥ

same śucau śarkarāvihnivālukāvivarjite śabdajalāśrayādibhiḥ| mano'nukūle na tu cakṣupīḍane guhānivātāśrayaṇe prayojayet

nīhāradhūmārkānalānilānāṃ khadyotavidyutsphaṭikaśaśinām || etāni
rūpāṇi puraḥsarāṇi brahmaṇyabhivyaktikarāṇi yoge

pṛthvyāpyatejo'nilakhe samutthite pañcātmake yogaguṇe pravṛtte | na tasya rogo na jarā na mṛtyuḥ prāptasya yogāgnimayaṃ śarīram

laghutvamārogyamalolupatvaṃ varṇaprasādaṃ svarasauṣṭhavaṃ ca | gandhaḥ śubho mūtrapurīṣamalpaṃ yogapravṛttiṃ prathamāṃ vadanti

yathaiva bimbaṃ mṛdayopaliptaṃ tejomayaṃ bhrājate tatsudhātam | tadvātmatattvaṃ prasamīkṣya dehī ekaḥ kṛtārtho bhavate vītaśokaḥ

yadā''tmatattvena tu brahmatattvaṃ dīpopameneha yuktaḥ prapaśyet | ajaṃ dhruvaṃ sarvatattvairviśuddhaṃ jñātvā devaṃ mucyate sarvapāśaiḥ

eṣo ha devaḥ pradiśo'nu sarvāḥ pūrvo ha jātaḥ sa u garbhe antaḥ | sa eva jātaḥ sa janiṣyamāṇaḥ pratyaṅjanāstiṣṭhati sarvatomukhaḥ

yo devo'gnau yo'psu yo viśvaṃ bhuvanamāviveśa | ya oṣadhīṣu yo vanaspatiṣu tasmai devāya namo namaḥ

iti śvetāśvataropaniṣatsu dvitīyo'dhyāyaḥ

Linked texts (6)