Upanishads 276.20
Upaniṣads 276.20
- Language
- Sanskrit
276.20
tametamātmānametamātmano'nvavasyati yathā śreṣṭhinaṃ svāstadyathā
śreṣṭhaḥ svairbhuṅkte yathā vā śreṣṭhinaṃ svā bhuñjanta evamevaiṣa prājña
ātmaitairātmabhirbhuṅkte || yathā śreṣṭhī svairevaṃ vaitamātmānameta
ātmāno'nvavasyanti yathā śreṣṭhinaṃ svāḥ sa yāvaddha vā indra
etamātmānaṃ na vijajñau tāvadenamasurā abhibabhūvuḥ sa
yadā vijajñāvatha hatvāsurānvijitya sarveṣāṃ bhūtānāṃ śreṣṭhyaṃ svārājyamādhipatyaṃ paryeti tatho evaivaṃ vidvānsarveṣāṃ
bhūtānāṃ śraiṣṭhyaṃ svārājyamādhipatyaṃ paryeti ya evaṃ veda ya
evaṃ veda
276.20.p1
iti caturtho'dhyāyaḥ
Linked texts (2)
- Kaiṣītaki — Sanskrit
- Kauṣītakopaniṣad — Sanskrit