Upanishads 280.1

280.1

hayagrīvaikākṣareṇa brahmavidyāṃ pravakṣyāmi | brahmā maheśvarāya maheśvaraḥ
saṃkarṣaṇāya saṃkarṣaṇo nāradāya nārado vyāsāya vyāso
lokebhyaḥ prayacchaditi hakāraḥ sakāro makāroṃtrayamekasvarūpaṃ bhavati hasauṃ bījākṣaraṃ bhavati | bījākṣareṇa
hasauṃ rūpeṇa tajjāpakānāṃ saṃpatsārasvatau bhavataḥ
tatsvarūpajñānānāṃ vaidehī muktiśca bhavati | dikpālānāṃ rājñāṃ nāgānāṃ kiṃnarāṇāmadhipatirbhavati | hayagrīvaikākṣarajapaśīlājñayā sūryādayaḥ svataḥ svasvakarmaṇi
pravartante | sarveṣāṃ bījānāṃ hayagrīvaikākṣarabījamanuttamaṃ mantrarājātmakaṃ bhavati | hasauṃ hayagrīvasvarūpo
bhavati | amṛtaṃ kurukuru svāhā | tajjāpakānāṃ vāksiddhiḥ śrīsiddhiraṣṭāṅgayogasiddhiśca bhavati | hasauṃ
sakalasāmrājyena siddhiṃ kurukuru svāhā | ta etānmantrānyo veda apavitraḥ pavitro bhavati | abrahmacārī subahmācārī bhavati | agamyāgamanātpūto bhavati | patitasaṃbhāṣaṇātpūto bhavati | brahmahatyādipātakairmukto bhavati | gṛhaṃ gṛhapatiriva dehī dehānte paramātmānaṃ
praviśati | prajñānaṃ brahma tattvamasi ayamātmā antaryāmyamṛtaḥ ahaṃ brahmāsmīti mahāvākyaiḥ pratipāditamarthaṃ ta
ete mantrāḥ pratipādayanti | svaravyañjanabhedena dvidhāyate | athānumantrāñjapati | yadvāgvadantyavicetanāni rāṣṭrī
devānāṃ niṣasāda mandrā | catasra ūrjaṃ duduhe payām̐si ka
svidasyāḥ paramaṃ jagāma