Shankaranandi p7

p7

yato vāco nivartante | aprāpya manasā saha | ānandaṃ brahmaṇo vidvānna bibheti kutaścaneti | kutaścana kasmādapi | śeṣaṃ samānapāṭhaṃ manomayaparyāyavadvyākhyeyam | pūrvaṃ yato manasaḥ kāraṇāditi vyākhyātaṃ manomayaparyāyaprasaṅgād | idānīṃ saṃkoce kāraṇābhāvātsarvakāraṇādānandātmana iti vyākhyeyam | nan-bhītirahitāḥ santi sahasraśaḥ puṇyātmānaḥ saṃsāriṇa ityata āha-etaṃ brahmavidaṃ ha prasiddhaṃ vāvaiva na tapati saṃtāpaṃ na kurute na saṃtāpayatītyarthaḥ | mānasapratyaya iti śeṣaḥ | kutretyayamabhinayenā''ha-yaddhādeḥ śokaje vicāre kimahaṃ kṣīṇaśaktiḥ | sādhu śobhanaṃ puṇyātmakaṃ karma | nākaravaṃ na kṛtavān | āḥ kaṣṭamiti śeṣaḥ | kimahaṃ vyākhyātam | pāpaṃ śrutyādininditaṃ karma | akaravaṃ kṛtavān | āḥ kaṣṭamiti śeṣaḥ | ityabhinayārthaḥ | anena prakāreṇa bhayarahitānāmapi saṃsāriṇāṃ puṇyapāpābhyāṃ bhītirnāsya spṛṣṭetyabhiprāyaḥ