Subāla Upaniṣad 2.p2
Subālopaniṣad 2.p2
- Language
- Sanskrit
2.p2
ātmānaṃ dvidhākarodardhena strī ardhena puruṣo devo bhūtvā devānasṛjadṛṣirbhūtvā ṛṣīnyakṣarākṣasagandharvān-grāmyānāraṇyāṃśca paśūnasṛjaditarā gauritaro'naḍvānitaro vaḍavetaro'śva itarā gardabhītaro gardabha itarā viśvambharītaro viśvambharaḥ so'nte vaiśvānaro bhūtvā sandagdhvā sarvāṇi bhūtāni pṛthivyapsu pralīyata āpastejasi pralīyante tejo vāyau vilīyate vāyurākāśe vilīyata ākāśamindriyeṣvindriyāṇi tanmātreṣu tanmātrāṇi bhūtādau vilīyante bhūtādirmahati vilīyate mahānavyakte vilīyate'vyaktamakṣare vilīyate akṣaraṃ tamasi vilīyate tamaḥ pare deva ekībhavati parastānna sannāsannāsada-sadityetannirvāṇānuśāsanamiti vedānuśāsanamiti vedānuśāsanam ||
Commentaries (2)
- Subālopaniṣadbhāṣya (Raṅgarāmānuja) — Raṅgarāmānuja Muni 1500, Sanskrit
- Commentary of Upaniṣadbrahmayogin — Upaniṣadbrahmayogin 1700, Sanskrit
Linked texts (3)
- Īśādiviṃśottaraśatopaniṣadaḥ — Sanskrit
- Aṣṭottaraśatopaniṣadaḥ — Sanskrit
- Aṣṭottaraśatopaniṣad — Sanskrit