Paramahamsa Upanishad 2
Paramahaṃsopaniṣad 2
- Language
- Sanskrit
2
na daṇḍaṃ na śikhāṃ na yajñopavītaṃ na cācchādanaṃ carati paramahaṃsaḥ |
na śitaṃ na coṣṇaṃ na sukhaṃ na duḥkhaṃ na mānāvamāne ca ṣaḍūrmivarjaṃ nindāgarvamatsaradambhadarpecchādveṣasukhaduḥkhakāmakrodhalobha-mohaharṣāsūyāhaṅkārādīṃśca hitvā svavapuḥ kuṇapamiva dṛṣyate yatastadvapurapadhvastaṃ saṃśayaviparītamithyājñānānāṃ yo hetustena nityanivṛttastannityabodhastatsvayamevāvasthitistaṃ śāntamacalamadvayānandavijñānaghana evāsmi |
tadeva mama paramadhāma tadeva śikhā ca tadevopavītaṃ ca |
paramātmātmanorekatvajñānena tayorbheda eva vibhagnaḥ sā sandhyā ||
2.p1
sarvānkāmānparityajya advaite paramasthitiḥ |
jñānadaṇḍo dhṛto yena ekadaṇḍo sa ucyate ||
2.p2
kāṣṭhadaṇḍo dhṛto yena sarvāśi jñānavarjitaḥ |
(titikṣājñānavairāgyaśamādiguṇavarjitaḥ ||
2.p3
bhikṣāmātreṇa yo jīvetsa pāpī yativṛttihā |)
2.p4
sa yāti narakānghorānmahārauravasaṃjñakān ||
Commentaries (3)
- Commentary of Upaniṣadbrahmayogin — Upaniṣadbrahmayogin, Sanskrit
- Dīpikā of Śaṃkarānanda — Śaṅkarānanda, Sanskrit
- Dīpikā of Nārāyaṇa — Nārāyaṇa, Sanskrit
Linked texts (4)
- Saṃnyāsa Upaniṣadaḥ — Sanskrit
- Aṣṭottaraśatopaniṣad — Sanskrit
- Jīvanmuktic — Sanskrit
- Upaniṣatsaṃgraha — Sanskrit
Discussed in (1)
- The Philosophy of the Upanishads — Deussen & Geden 1899, English