Paramahamsa Upanishad 4
Paramahaṃsopaniṣad 4
- Language
- Sanskrit
4
āśāmbaro na namaskāro na svāhākāro na svadhākāro na nindā na stutiryādṛcchiko bhavedbhikṣurnā''vāhanaṃ na visarjanaṃ na mantraṃ na dhyānaṃ nopāsanaṃ ca na lakṣyaṃ nālakṣyaṃ na pṛthaṅnāpṛthagahaṃ na na tvaṃ na sarvaṃ cāniketasthitireva bhikṣuḥ sauvarṇādīnaṃ naiva parignahenna lokaṃ nāvalokaṃ cā''bādhakaṃ ka iti cedbādhako'styeva yasmādbhikṣurhiraṇyaṃ rasena dṛṣṭaṃ ca sa brahmahā bhavet |
yasmādbhikṣurhiraṇyaṃ rasena spṛṣṭaṃ cetsa paulkaso bhavedyasmādbhikṣurhiraṇyaṃ rasena grāhyaṃ ca sa ātmahā bhavet |
tasmādbhikṣurhiraṇyaṃ rasena na dṛṣṭaṃ ca na spṛṣṭaṃ ca na grāhyaṃ ca | sarve kāmā manogatā vyāvartante | duḥkhe nodvignaḥ sukhe na spṛhā tyāgo rāge sarvatra śubhāśubhayoranabhisneho na dveṣṭi na modaṃ ca | sarveṣāmindriyāṇāṃ gatiruparamate ya ātmanyevāvasthīyate yatpūrṇānandaikabodhastadabrahmāhamasmīti kṛtakṛtyo bhavati kṛtakṛtyo bhavati ||
4.p1
oṃ bhadraṃ karṇebhiḥ śṛṇuyāma devā bhadraṃ paśyemākṣabhiryajatrāḥ |
sthirairaṅgaistuṣṭuvaṃsastanūbhirvyaśema devahitaṃ yadāyuḥ |
svasti na indro vṛddhaśravaḥ svasti naḥ pūṣā viśvavedāḥ |
svasti nastārkṣyo'riṣṭanemiḥ svasti no bṛhaspatirdadhātu |
oṃ śāntiḥ śāntiḥ śāntiḥ |
hariḥ oṃ ||
4.p2
iti śrīparamahaṃsopaniṣatsamāptā ||
Commentaries (3)
- Commentary of Upaniṣadbrahmayogin — Upaniṣadbrahmayogin, Sanskrit
- Dīpikā of Śaṃkarānanda — Śaṅkarānanda, Sanskrit
- Dīpikā of Nārāyaṇa — Nārāyaṇa, Sanskrit
Linked texts (4)
- Saṃnyāsa Upaniṣadaḥ — Sanskrit
- Aṣṭottaraśatopaniṣad — Sanskrit
- Upaniṣatsaṃgraha — Sanskrit
- Jīvanmuktic — Sanskrit
Discussed in (1)
- The Philosophy of the Upanishads — Deussen & Geden 1899, English