Upanishatsamgraha 10.10

10.10

athātaḥ pitāputrīyaṃ saṃpradānamiti cā''cakṣate | pitā
putraṃ preṣyannāhvayati navaistṛṇairagāraṃ saṃstīryāgnimupasamādhāyodakumbhaṃ sapātramupanidhāyāhatena vāsasā saṃpracchannaḥ svayaṃ śyeta etya putra upariṣṭādabhinipadyate,
indriyairasyendriyāṇi saṃspṛśyāpi vā'syābhimukhana
evā''sītāthāsmai saṃprayacchati vācaṃ me tvayi
dadhānīti pitā vācaṃ te mayi dadha iti putraḥ
ghrāṇaṃ me tvayi dadhānīti pitā ghrāṇaṃ te mayi dadha iti putraḥ
cakṣurme tvayi dadhānīti pitā cakṣuste mayi dadha iti putraḥ
śrotraṃ me tvayi dadhānīti pitā śrotraṃ te mayi dadha iti putraḥ
annarasānme tvayi dadhānīti pitā, annarasāṃste mayi dadha iti
putraḥ | karmāṇi me tvayi dadhānīti pitā karmāṇi te mayi dadha
iti putraḥ | sukhaduḥkhe me tvayi dadhānīti pitā sukhaduḥkhe te
mayi dadha iti putraḥ | ānandaṃ ratiṃ prajātiṃ me tvayi dadhānīti
pitā, ānandaṃ ratiṃ prajātiṃ te mayi dadha iti putraḥ | ityā me
tvayi dadhānīti pitā, ityāste mayi dadha iti putraḥ | dhiyo
vijñātavyaṃ kāmānme tvayi dadhānīti pitā dhiyo vijñātavyaṃ
kāmāṃste mayi dadha iti putraḥ
atha dakṣiṇāvṛtprāṅupaniṣkrāmati taṃ pitā'numantrayate yaśo brahmavarcasamannādyaṃ kīrtistvā juṣatāmityathetaraḥ savyamaṃsamanvavekṣate
pāṇinā'ntardhāya vasanāntena vā pracchādya svargām̐llokānkāmānāpnuhīti sa yadyagadaḥ syātputrasyaiśvarye pitā vasetpara vā vrajedyadyu
vai preyādyadevainaṃ samāpayati tathā samāpāyatavyo bhavati tathā
samāpayitavyo bhavati