Pramāṇa · Search · About · API

Garuda Upanishad 9

Gāruḍopaniṣad 9

Language
Sanskrit

9

evaṃ dhyāyettrisandhyāsu garuḍaṃ nāgabhūṣaṇam |
viṣaṃ nāśayate śīghraṃ tūlaraśimivānalaḥ ||

9.p1

omīmoṃ namo bhagavate śrīmahāgaruḍāya pakṣīndrāya viṣṇuvallabhāya trailokyaparipūjitāya ugrabhayaṃkarakālānalarūpāya vajranakhāya vajratuṇḍāya vajradantāya vajradaṃṣṭrāya vajrapucchāya vajrapakṣālakṣitaśarīrāya omīkehyehi śrīmahāgaruḍāpratiśāsanāsminnāviśāviśa duṣṭānāṃ viṣaṃ dūṣayadūṣaya spṛṣṭānāṃ nāśayanāśaya dandaśūkānāṃ viṣaṃ dārayadāraya pralīnaṃ viṣaṃ praṇāśayapraṇāśaya sarvaviṣaṃ nāśayanāśaya hanahana dahadaha pacapaca bhasmīkurubhasmīkuru huṃ phaṭ svāhā ||

9.p2

candramaṇḍalasaṃkāśa sūryamaṇḍalamuṣṭika |
pṛthvīmaṇḍalamudrāṅga śrīmahāgaruḍāya viṣaṃ harahara huṃ phaṭ svāhā ||

9.p3

oṃ kṣipa svāhā ||

9.p4

omīṃ sacarati sacarati tatkārī matkārī viṣāṇāṃ ca viṣarūpiṇī viṣadūṣiṇī viṣaśoṣaṇī viṣanāśinī viṣahāriṇī hataṃ viṣaṃ naṣṭaṃ viṣamantaḥpralīnaṃ viṣaṃ pranaṣṭaṃ viṣaṃ hataṃ te brahmaṇā viṣaṃ hatamindrasya vajreṇa svāhā ||

9.p5

oṃ namo bhagavate mahāgaruḍāya viṣṇuvāhanāya trailokyaparipūjitāya vajranakhavajratuṇḍāya vajrapakṣālaṃkṛta-śarīrāya ehyehi mahāgaruḍa viṣaṃ chindhicchindhi āveśayāveśaya huṃ phaṭ svāhā ||

9.p6

suparṇo'si garutmāttrivṛtte śiro gāyatraṃ cakṣuḥ stoma ātmā sāma te tanūrvamadevyaṃ bṛhadrathantare pakṣau yajñāyajñiyaṃ pucchaṃ chandāṃsyaṅgāni dhiṣṇiyā śaphā yajūṃśi nāma ||

9.p7

suparṇo'si garutmāndivaṃ gaccha suvaḥ pata omīṃ brahmavidyā-mamāvāsyāyāṃ paurṇamāsyāṃ purovāca sacarati sacarati tatkārī matkārī viṣanāśinī viṣadūṣiṇī viṣahāriṇī hataṃ viṣaṃ naṣṭaṃ viṣaṃ pranaṣṭaṃ viṣaṃ hatamindrasya vajreṇa svāhā ||

9.p8

tasryam | yadyanantakadūto'si yadi vānantakaḥ svayaṃ sacarati sacarati tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā |
yadi vāsukidūto'si yadi vā vāsukiḥ svayaṃ sacarati sacarati tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā yadi vā takṣakaḥ svayaṃ sacarati sacarati tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ brahmaṇā viṣamindrasya vajreṇa svāhā ||

9.p9

yadi karkoṭakadūto'si yadi vā karkoṭakaḥ svayaṃ sacarati sacarati tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā ||

9.p10

yadi padmakadūto'si yadi vā padmakaḥ svayaṃ sacarati sacarati tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā ||

9.p11

yadi mahāpadmakadūto'si yadi vā mahāpadmakaḥ svayaṃ sacarati sacarati tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā ||

9.p12

yadi śaṅkhakadūto'si yadi vā śaṅkhakaḥ svayaṃ sacarati sacarati tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā ||

9.p13

yadi gulikadūto'si yadi vā gulikaḥ svayaṃ sacarati sacarati tatkārī matkārī viṣanāśinī viṣadūṣiṇī viṣahāriṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā ||

9.p14

yadi pauṇḍrakālikadūto'si yadi vā pauṇḍrakālikaḥ svayaṃ sacarati sacarati tatkārī matkārī viṣanāśinī viṣadūṣiṇī viṣahāriṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā ||

9.p15

yadi nāgakadūto'si yadi vā nāgakaḥ svayaṃ sacarati sacarati tatkārī matkārī viṣanāśinī viṣadūṣiṇī viṣahāriṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā ||

9.p16

yadi lūtānāṃ pralūtānāṃ yadi vṛścikānāṃ yadi ghoṭakānāṃ yadi sthāvarajaṅgamānāṃ sacarati sacarati tatkārī matkārī viṣanāśinī viṣadūṣiṇī viṣahāriṇī hataṃ viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā | anantavāsukitakṣakakarkoṭakapadmakamahāpadmaka-śaṅkhakagulikapauṇḍrakālikanāgaka ityeṣāṃ divyānāṃ mahānāgānāṃ mahānāgādirūpāṇāṃ viṣatuṇḍānāṃ viṣadantānāṃ viṣadaṃṣṭrāṇāṃ viṣāṅgānāṃ viṣapucchānāṃ viśvacārāṇāṃ vṛścikānāṃ lūtānāṃ pralūtānāṃ mūṣikāṇāṃ gṛhagaulikānāṃ gṛhagodhikānāṃ ghraṇāsānāṃ gṛhagirigahvarakālānalavalmīkodbhūtānāṃ tārṇānāṃ pārṇānāṃ kāṣṭhadāruvṛkṣakoṭarasthānāṃ mūlatvagdāruniryāsapatrapuṣpaphalodbhūtānāṃ duṣṭakīṭakapiśvāna-mārjārajaṃbukavyāghravarāhāṇāṃ jarāyujāṇḍajodbhijjasvedajānāṃ śastrabāṇakṣatasphoṭavraṇamahāvraṇakṛtānāṃ kṛtrimāṇāmanyeṣāṃ bhūtavetālakūṣmāṇḍapiśācapretarākṣasayakṣabhayapradānāṃ viṣatuṇḍadaṃṣṭrānāṃ viṣāṅgānāṃ viṣapucchānāṃ viṣāṇāṃ viṣarūpiṇī viṣadūṣiṇī viṣaśoṣiṇī viṣanāśinī viṣahāriṇī hataṃ viṣaṃ naṣṭaṃ viṣamantaḥpralīnaṃ viṣaṃ pranaṣṭaṃ viṣaṃ hataṃ te brahmaṇā viṣamindrasya vajreṇa svāhā | ya imāṃ brahmavidyāmamāvāsyāyāṃ paṭhecchṛṇuyādvā yāvajjīvaṃ na hiṃsanti sarpāḥ | aṣṭau brāhmaṇāngrāhayitvā tṛṇena mocayet | śataṃ brāhmaṇāngrāhayitvā cakṣuṣā mocayet |
sahasraṃ brāhmaṇāngrāhayitvā manasā mocayet | sarpāñjale na muñcanti |
tṛṇe na muñcanti | kāṣṭhe na muñcantītyāha bhagavānbrahmetyupaniṣat ||

9.p17

oṃ bhadraṃ karṇebhiḥ śṛṇuyāma devāḥ ||

9.p18

bhadraṃ paśyemākṣabhiryajatrāḥ ||

9.p19

sthirairaṅgaistuṣṭuvāṃsastanūbhiḥ ||

9.p20

vyaśema devahitaṃ yadāyuḥ ||

9.p21

svasti na indro vṛddhaśravāḥ ||

9.p22

svasti naḥ pūṣā viśvavedāḥ ||

9.p23

svasti nastārkṣyo ariṣṭanemiḥ ||

9.p24

svasti no bṛhaspatirdadhātu ||

9.p25

oṃ śāntiḥ śāntiḥ śāntiḥ ||

9.p26

hariḥ oṃ tatsat ||

9.p27

iti śrīgāruḍopaniṣatsamāptā ||

Commentaries (1)

Linked texts (3)