Narayanatharvashirsha (Nārāyaṇātharvaśīrṣa)
नारायणाथर्वशीर्ष
- Language
- Sanskrit
- Date
- 300–1750 CE
- Extent
- 15 passages, 202 words
- Text
- partly digitised
- Source
- archiveorg · Vaishnava-Upanishads with the commentary of Sri Upanishad-Brahma-Yogin; ed. A. Mahadeva Sastri; Adyar… · Scan of a printed edition hosted by the Internet Archive (archive.org); the ancient text is in the public…
Contents
Text
1.p1
nārāyaṇopaniṣat
1.p2
saha nāvavatu—iti śāntiḥ
1.p3
prathamaḥ khaṇḍaḥ
1.p4
nārāyaṇāt sarvacetanācetanajanma
1.p5
atha puruṣo ha vai nārāyaṇo'kāmayata prajāḥ sṛjeyeti | nārāyaṇāt prāṇo jāyate manaḥ sarvendriyāṇi ca khaṃ vāyurjyotirāpaḥ pṛthivī viśvasya dhāriṇī | nārāyaṇādbrahmā jāyate | nārāyaṇādrudro jāyate | nārāyaṇādindro jāyate | nārāyaṇāt prajāpatiḥ prajāyate | nārāyaṇāddvādaśādityā rudrā vasavaḥ sarvāṇi chandāṃsi nārāyaṇādeva samutpadyante nārāyaṇāt pravartante nārāyaṇe pralīyante | etadṛgvedaśiro'dhīte
1.p6
iti prathamaḥ khaṇḍaḥ
2.p1
dvitīyaḥ khaṇḍaḥ
2.p2
nārāyaṇasya sarvātmatvam
2.p3
atha nityo nārāyaṇaḥ | brahmā nārāyaṇaḥ | śivaśca nārāyaṇaḥ | śakraśca nārāyaṇaḥ | kālaśca nārāyaṇaḥ | diśaśca nārāyaṇaḥ | vidiśaśca nārāyaṇaḥ | ūrdhvaṃ ca nārāyaṇaḥ | adhaśca nārāyaṇaḥ | antarbahiśca nārāyaṇaḥ | nārāyaṇa evedaṃ sarvaṃ yadbhūtaṃ yacca bhavyam | niṣkalaṅko nirañjano nirvikalpo nirākhyātaḥ śuddho deva eko nārāyaṇo na dvitīyo'sti kaścit | ya evaṃ veda sa viṣṇureva bhavati sa viṣṇureva bhavati | etadyajurvedaśiro'dhīte
2.p4
iti dvitīyaḥ khaṇḍaḥ
3.p1
tṛtīyaḥ khaṇḍaḥ nārāyaṇāṣṭākṣaramantraḥ
3.p2
oṃmityagre vyāharet | nama iti paścāt | nārāyaṇāyetyupariṣṭāt | oṃmityekākṣaram | nama iti dve akṣare | nārāyaṇāyeti pañcākṣarāṇi | etadvai nārāyaṇasyāṣṭākṣaraṃ padam | yo ha vai nārāyaṇasyāṣṭākṣaraṃ padamadhyeti anapabruvaḥ sarvamāyureti vindate prājāpatyaṃ rāyaspoṣaṃ gaupatyaṃ tato'mṛtatvamaśnute tato'mṛtatvamaśnuta iti | etatsāmavedaśiro'dhīte
3.p3
caturthaḥ khaṇḍaḥ nārāyaṇapraṇavaḥ
3.p4
pratyagānandaṃ brahma puruṣaṃ praṇavasvarūpam | akāra ukāro makāra iti | tānekadhā samabhavattadetadomiti yamuktvā mucyate yogī janmaṃsaṃsārabandhanāt | oṃ namo nārāyaṇāyeti mantropāsako vaikuṇṭhabhavanaṃ gamiṣyati | tadidaṃ puṇḍarīkaṃ vijñānaghanaṃ tasmāttaḍidāmamātram | brahmaṇyo devakīputro brahmaṇyo madhusūdana ¹iti | sarvabhūtasthamekaṃ vai nārāyaṇaṃ kāraṇapuruṣamakāraṇaṃ paraṃ brahmom | etadatharvaśiro'dhīte
3.p5
vidyā'dhyayanaphalam prātaradhīyāno rātrikṛtaṃ pāpaṃ nāśayati | sāyamadhiyāno divasakṛtaṃ pāpaṃ nāśayati | tatsāyaṃprātaradhīyānaḥ pāpo'pāpo bhavati | mādhyaṃdinamādityābhimukho'dhīyānaḥ pañcamahāpātakopapātakāt pramucyate | sarvavedapārāyaṇapuṇyaṃ labhate nārāyaṇasāyujyamavāpnoti śrīmannārāyaṇasāyujyamavāpnoti ya evaṃ veda
See also: more in Vaiṣṇava Upaniṣads
- Narayana Upanishad (Nārāyaṇopaniṣad) — Sanskrit; 550–1100 CE
- Mahanarayana Upanishad (Mahānārāyaṇopaniṣad (Taittirīya)) — Sanskrit; 350 BCE – 0 CE
- Kali-Santaraṇa Upaniṣad (Kalisantaraṇopaniṣad) — Sanskrit; 1400–1600 CE
- Gopala Tapani Upanishad (Gopālatāpanyupaniṣad) — Sanskrit; 1200–1575 CE
- Rama Rahasya Upanishad (Rāmarahasyopaniṣad) — Sanskrit; 1200–1575 CE
- Tarasara Upanishad (Tārasāropaniṣad) — Sanskrit; 1200–1575 CE