Pramāṇa · Search · About · API

Vaidikasangraha 10

Vaidikasaṅgraha 10

Language
Sanskrit

10.1

prajāpate | na | tvat | etāni | anyaḥ | viśvā | jātāni | pari | tā | babhūva | yatkāmāḥ | te | juhumaḥ | tat | naḥ | astu | vayam | syāma | patayaḥ | rayīṇām

10.1-2

saṃsa̱midyu̍vase vṛṣa̱nnagne̱ viśvā̱nyarya̱ ā
i̱ḷaspade̱ sami̍dhyase̱ sa no̱ vasū̱nyā bha̍ra

10.2

saṃ gacchadhvaṃ saṃ vadadhvaṃ saṃ vo manāṃsi jānatām
devā bhāgaṃ yathā pūrve saṃjānānā upāsate

10.3

samāno mantraḥ samitiḥ samānī samānaṃ manaḥ saha cittameṣām
samānaṃ mantramabhi mantraye vaḥ samānena vo haviṣā juhomi

10.4

samānaḥ| mantraḥ| samitiḥ| samānī| samānam| manaḥ| saha| cittam| eṣām| samānam| mantram| abhi| mantraye| vaḥ| samānena| vaḥ| haviṣā| juhomi
samānī va ākūtiḥ samānā hṛdayāni vaḥ
samānamastu vo mano yathā vaḥ susahāsati

10.1-3

yajjāgrato dūramudaiti daivaṃ tadu suptasya tathaivaiti
dūraṃgamaṃ jyotiṣāṃ jyotirekaṃ tanme manaḥ śivasaṃkalpamastu

10.2-2

yena karmāṇyapaso manīṣiṇo yajñe kṛṇvanti vidatheṣu dhīrāḥ
yadpūrvaṃ yakṣamantaḥ prajānāṃ tanme manaḥ śivasaṃkalpamastu

10.3-2

yajjñānamuta ceto dhṛtiśca yajjyotirantaramṛtaṃ prajāsu
yasmānna ṛte kiñcana karma kriyate tanme manaḥ

10.4-2

yenedaṃ bhūtaṃ bhuvanaṃ bhaviṣyatparigṛhītamṛtena sarvam
yena yajñastāyate saptahotā tanme manaḥ śivasaṃkalpamastu

10.5

yasminnṛcaḥ sāma yajūṃṣi yasmin pratiṣṭhitā rathanābhāvivārāḥ
yasmim̐ścittaṃ sarvaṃ otaṃ prajānāṃ tanme manaḥ śivasaṃkalpamastu

10.6

suṣārathiraśvāniva yanmanuṣyānnenīyate'bhīśubhirvājina iva
hṛtpratiṣṭhaṃ yadajiraṃ javiṣṭhaṃ tanme manaḥ śivasaṃkalpamastu

Linked texts (3)