Vaidikasangraha 13
Vaidikasaṅgraha 13
- Language
- Sanskrit
13.1
atha aikṣvākaṃ varuṇo jagrāha, tasya hodaraṃ jajñe, tadu ha rohitaḥ śuśrāva, so'raṇyād grāmameyāya, tamindraḥ puruṣarūpeṇa paryatyovāca—
nānāśrāntāya śrīrastīti rohita śuśruma
pāpo nṛṣadvaro jana indra iccarataḥ sakhā caraiveti, iti
13.2
caraiveti vai mā brāhmaṇo 'vocaditi ha dvitīyaṃ saṃvatsaramaraṇye cacāra, so'raṇyād grāmameyāya tamindraḥ puruṣarūpeṇa paryetyovāca—
puṣpiṇyau carato jaṅghe bhūṣṇurātmā phalagrahiḥ
śere'sya sarve pāpmānaḥ śrameṇa prapathe hatāścaraiveti, iti
13.3
caraiveti vai mā brāhmaṇo'vocaditi ha tṛtīyaṃ saṃvatsaram araṇye cacāra, so'raṇyād grāmameyāya, tamindraḥ puruṣarūpeṇa paryetyovāca—
āste bhaga āsīnasyordhvastiṣṭhati tiṣṭhataḥ
śete nipadyamānasya carāti carato bhagaścaraiveti, iti
13.4
caraiveti vai sā brāhmaṇo'vocaditi ha caturthaṃ saṃvatsaramaraṇye cacāra,
so'raṇyād grāmameyāya, tamindraḥ puruṣarūpeṇa paryetyovāca—
kaliḥ śayāno bhavati saṃjihānastu dvāparaḥ
uttiṣṭhaṃstretā bhavati kṛtaṃ sampadyate caraṃścaraiveti
13.5
tāścottarottaraśreṣṭhatvāt kalidvāparatretākṛtayugaiḥ samānāḥ | tataścarato'sya sarvottamatvāccaraiveti
caraiveti vai mā brāhmaṇo'vocaditi ha pañcamaṃ saṃvatsaramaraṇye cacāra, so'raṇyād grāmameyāya, tamindraḥ puruṣarūpeṇa paryaityovāca—
caranvai madhu vindati caran svādumudumbaram
sūryasya paśya śremāṇaṃ yo na tandrayate caran caraivaiti, iti
Linked texts (2)
- Hariścandrākhyāyikā — Sanskrit
- Vedasūktasaṅgraha — Sanskrit