Chandahsutra 10.22

Mṛtasañjīvanī 10.22

Language: Sanskrit

10.22

dvyakṣaraprastārasya pūrvvanyāyena dvikaṃ rekhāvibhaktaṃ sthāpayitvā tṛtīyākṣarasthāneṣu prathamāvṛttau gakārā miśrā dātavyāḥ, dvitīyāvṛttau lakārā miśrāḥ, tato madhye rekhāmapanayet | evaṃ trikaprastāraḥ sidhyati | pṛthagiti vijātīyasaṃsargamāha | tena prathamāyāmāvṛttau na lakārapraveśaḥ, dvitīyāyāṃ na gakārasya; evaṃ trikaprastāraṃ dviḥ sthāpayitvā pṛthak glā miśrā dātavyāḥ ; iti caturakṣara prastāraḥ| evaṃ tatpūrvvakaḥ pañcākṣaraprastārastathaiva tatpūrvvakaḥ ṣaḍakṣaro gāyatrīsamavṛttaprastāraḥ | uṣṇigādīnāmapyekaikākṣaravṛddhyā evameva nyāsaḥ | tatredaṃ sūtraṃ tryakṣarāt prabhṛti punaḥ punarāvarttanīyaṃ yāvadabhimataḥ prastāraḥ ||

Previous: 10.21
Next: 10.23
Up: 10

Linked texts (1)

Chandaḥsūtra — Piṅgala, Sanskrit