Chandahsutra 10.4

Mṛtasañjīvanī 10.4

Language: Sanskrit

10.4

yasya pāde magaṇabhagaṇau sagaṇa-magaṇau ca bhavatastadvṛttaṃ 'jaladharamālā' nāma gāthā | caturbhiraṣṭābhiśca yatiḥ || tatrodāharaṇam— ma bha sa ma ' ' ' ' | | | | | ' ' ' ' dhatte śobhāṃ kuvalayadāmnaḥ śyāmā śailotsaṅge jaladharamālā līnā | vidyullekhā kanakakṛtālaṅkārā krīr̤āsuptā yuvatirivānke patyuḥ ||
avaśiṣṭāni tu prastārasaṃkhyayā vaktumaśakyatvāt gātheti sāmānyata uktaṃ, atrāpi kavibhiḥ prayuktānāṃ keṣāñcidvṛttānāṃ varatanviśyādiśaśivadanāntāḥ saṃjñāḥ svayameva kṛtāḥ, prāguktāni tu pūrvācāryyaprasiddhānīti viśeṣaḥ | yeṣāntu kenāpi granthakāriṇa saṃjñā na kṛtāḥ tāni gāthāsaṃjñakāni bodhyānīti ||

Previous: 10.3
Next: 10.5
Up: 10

Linked texts (1)

Chandaḥsūtra — Piṅgala, Sanskrit