Pingalachandas 3

Piṅgalachandas 3

Language: Sanskrit

3.1

viśvāni deva savitarduritāni parā suva
yad bhadraṃ tanna ā suva || yaju0 30.3
viśvo devasya neturmarto vurīta sakhyam
viśvo rāya iṣudhyati dyumnaṃ vṛṇīta puṣyase svāhā|| yaju0 4.8
gṛhā mā bibhīta mā vepadhvamūrjaṃ bibhrata emasi
ūrjaṃ bibhrad vaḥ sumanā sumedhā gṛhānaimi manasā modamānaḥ
āpyāyayāsmān sakhīn sanyā medhayā
svasti te deva soma sutyāmaśīya
eṣṭā rāyaḥ preṣe bhagāya ṛtamṛtavādibhyo
namo dyāvāpṛthivībhyām || yaju0 5.7
pādaḥ

3.2

iyādipūraṇaḥ

3.3

gāyatryā vasavaḥ

3.4

agnimīḍe purohitaṃ, yajñasya devamṛtvijam
hotāraṃ ratnadhātamam || ṛg0 1.1.1
jagatyā ādityāḥ

3.5

hiraṇyapāṇiḥ savitā vicarṣaṇi-rubhe dyāvāpṛthivī antarīyate
apāmīvāṃ bādhate veti sūrya-mabhi kṛṣṇena rajasā dyāmṛṇoti
ṛg0 1.35.9
virājo diśaḥ

3.6

tvaṃ varuṇa uta mitro agne, tvāṃ vardhanti matibhirvasiṣṭhāḥ
tve vasu suṣaṇanāni santu, yūyaṃ pāta svastibhiḥ sadā naḥ
triṣṭubho rudrāḥ

3.7

taṃ tvāṃ vayaṃ patimagne rayīṇāṃ, pra śaṃsāmo matibhirgotamāsaḥ
āśuṃ na vājiṃbharaṃ marcayantaḥ, prātarmakṣū dhiyāvasurjagamyāt
ekadvitricatuṣpāduktapādam

3.4-2

ādyaṃ catuṣpād ṛtubhiḥ

3.9

kvacit tripād ṛṣibhiḥ

3.10

sā pādanicṛt

3.11

ṣaṭka-saptakayormadhye'ṣṭāvatipādanicṛt

3.12

dvau navakau ṣaṭkaśca sā nāgī

3.13

viparītā vārāhī

3.14

ṣaṭsaptakāṣṭakairvardhamānā

3.15

tvamagne yajñānāṃ,
hotā viśveṣāṃ hitaḥ
devebhirmānuṣe jane || ṛg0 6.16.1
viparītā pratiṣṭhā

3.16

āpaḥ pṛṇīta bheṣajaṃ,
varūthaṃ tanve mama
jyok ca sūrya dṛśe || ṛg0 1.23.21
tṛtīyaṃ dvipājjāgata-gāyatrābhyām

3.17

nṛbhiryemāno haryato vicakṣaṇo,
rājā devaḥ samudriyaḥ | ṛg 09.107.16
tripāt traiṣṭubhaiḥ

3.18

duhīyan mitradhitaye yuvāku,
rāye ca no mimītaṃ vājavatyai
iṣe ca no mimītaṃ dhenumatyai || ṛg0 1.120.9
uṣṇig gāyatrau jāgataśca

3.19

pavasva devavītaya,
indo dhārābhirojasā
ā kalaśaṃ madhumān soma naḥ sadaḥ || sāma0 1326
kakummadhye cedantyaḥ

3.20

purauṣṇik purataḥ

3.21

paroṣṇik paraḥ

3.22

catuṣpād ṛṣibhiḥ

3.23

tryāyuṣaṃ jamadagneḥ,
kaśyapasya tryāyuṣam
yad deveṣu tryāyuṣaṃ,
tanno astu tryāyuṣam || yaju0 3.62
anuṣṭub gāyatraiḥ

3.24

tato virāḍajāyata,
virājo adhi pūruṣaḥ
sa jāto atyaricyata,
paścād bhūmimatho puraḥ || yaju0 31.5
pañcamaṃ laghu sarvatra saptamaṃ dvicaturthayoḥ
ṣaṣṭhaṃ guru vijānīyāt śeṣeṣvaniyamo mataḥ
tripāt kvacitjāgatābhyāṃ ca

3.25

madhye'nte ca

3.26

paryū ṣu pra dhanva vājasātaye,
pari vṛtrāṇi sakṣaṇiḥ
dviṣastaradhyā ṛṇayā na īyase || ṛg0 9.110.1
mā kasmai dhātamabhyamitriṇe no,
mākutrā no gṛhebhyo dhenavo guḥ
stanābhujo aśiśvīḥ || ṛg 1.120.8
bṛhatī jāgatastrayaśca gāyatrāḥ

3.27

pathyā pūrvaścet tṛtīyaḥ

3.28

nyaṅkusāriṇī dvitīyaḥ

3.29

medhāmahaṃ prathamāṃ,
brahmaṇavatīṃ brahmajūtāmṛṣiṣṭutām
prapītāṃ brahmacāribhirdevānāṃmavase huve || atharva0 6.108.2
skandhodgrīvī krauṣṭukeḥ

3.30

urobṛhatī yāskasya

3.31

upariṣṭād bṛhatyante

3.32

purastād bṛhatī puraḥ

3.33

kvacinnavakāścatvāraḥ

3.34

vairājau gāyatrau ca

3.35

tribhirjāgatairmahābṛhatī

3.36

satobṛhatī tāṇḍinaḥ

3.37

paṅktirjagatau gāyatrau ca

3.38

upayāmagṛhīto'si ṣaṇḍāya tvaiṣa te yonirvīratāṃ pāhyapamṛṣṭaḥ,
ṣaṇḍo devastvā śukrapāḥ,
pra ṇayantvanādhṛṣṭā'si || yaju0 7.12
pūrvo cedayujau sataḥpaṅktiḥ

3.39

anu te śuṣmaṃ turayantamīyatuḥ,
kṣoṇī śiśuṃ na mātarā
viśvāste spṛdhaḥ śnathayanta manyave,
vṛtraṃ yadindra tūrvasi || yaju0 33.67
viparītau ca

3.40

agninā turvaśaṃ yaduṃ,
parāvata ugrādevaṃ havāmahe
agnirnayannavavāstvaṃ,
bṛhadrathaṃ turvītiṃ dasyave sahaḥ
prastārapaṅktiḥ purataḥ

3.41

bhūrasi bhūmirasyaditirasi vi-śvadhāyā viśvasya bhuvanasya dhartrī
pṛthivīṃ yaccha pṛthivīṃ, dṛṃha pṛthivīṃ mā hiṃsīḥ
āstārapaṅktiḥ parataḥ

3.42

bhadraṃ no api vātaya,
mano dakṣamruta kratum
adhā te sakhye andhaso vi vo made,
raṇan gāvo na yavase vivakṣase || ṛg0 10.25.1
viṣṭārapaṅktirantaḥ

3.43

agne tava śravo vayo,
mahi bhrājante arcayo vibhāvaso
bṛhadbhāno śavasā vājamukthyām̐,
dadhāsi dāśuṣe kave || sāmaveda 1816
saṃstārapaṅktirbahiḥ

3.44

aṃśo bhago varuṇo mitro aryamā'ditiḥ pāntu marutaḥ
apa tasya dveṣo gamedabhi huto yāvayacchatrumantitam || a0 6.4.2
akṣarapaṅktiḥ pañcakāścatvāraḥ

3.45

rayirna citrā,
sūro na saṃdṛg,
āyurna prāṇo,
nityo na sūnuḥ | ṛg0 1.66.1
dvāvapyalpaśaḥ

3.46

padapaṅktiḥ pañca

3.47

catuṣkaṣaṭkau trayaśca

3.48

adhā hyagne,
kratorbhadrasya,
dakṣasya sādhoḥ
rathīṛtasya,
bṛhato babhūtha
sāmaveda 1778
pathyā pañcabhirgāyatraiḥ

3.49

yatra bāṇāḥ saṃpatanti,
kumārā viśikhā iva
tatra no brahmaṇaspatiraditiḥ śarma yacchatu,
viśvāhā śarma yacchatu
sāmaveda 1866
jagatī ṣaḍbhiḥ

3.50

atha triṣṭub - jagatyadhikāraḥ
ekena triṣṭub jyotiṣmatī

3.51

tathā jagatī

3.52

purastājjyotiḥ prathamena

3.53

madhyejyotirmadhyamena

3.54

bṛhadbhiragne arcibhiḥ,
śukreṇa deva śociṣā
bharadvāje samidhāno yaviṣṭhya,
revannaḥ śukra dīdihi,
dyumat pāvaka dīdihi || ṛg0 6.48.7
yadvā yajñaṃ manave saṃmimikṣathurevet kāṇvasya bodhatam
bṛhaspatiṃ viśvān devām̐ ahaṃ huve,
indrāviṣṇū aśvināvāśuheṣasā || ṛg0 8.10.2
upariṣṭād jyotirantyena

3.55

saṃveśinīṃ saṃyaminīṃ,
grahanakṣatramālinīm
prapanno'haṃ śivāṃ rātriṃ,
bhadre pāramaśīmahi,
bhadre pāramaśīmahi-oṃ namaḥ | ṛg0pari0,rātrisūkta, maṃtra 4
yatrādityāśca rudrāśca,
vasavaśca samāhitāḥ
bhūtaṃ ca yatra bhavyaṃ ca,
sarve lokāḥ pratiṣṭhitāḥ,
skambhaṃ taṃ brūhi katamaḥ svideva saḥ || atharva0 10.7.22
gatyā ādityāḥ (3.4) aura triṣṭubho rudrāḥ (3.6)
yā vo bheṣajā marutaḥ śucīni,
yā śaṃtamā vṛṣaṇo yā mayobhu
yāni manuravṛṇītā pitā nastā śaṃ ca yośca rudrasya vaśmi
ṛg0 2.33.13
ameva naḥ suhavā ā hi gantana,
ni barhiṣi sadatanā raṇiṣṭana
adhā mandasva jujuṣāṇo andhasas
-tvaṣṭardevebhirjanibhiḥ sumadgaṇaḥ
ṛg0 2.36.3
ekasmin pañcake chandaḥ śaṅkumatī

Linked texts (4)

Metrically restored text (van Nooten & Holland) — Sanskrit
Chandaḥsūtra — Piṅgala, Sanskrit
Piṅgalachandaḥsūtra — Piṅgala, Sanskrit
Āśvalāyanasaṃhitā — Sanskrit