Upanidasutra 1
Upanidāsūtra 1
- Language
- Sanskrit
1.p8
upanidānasūtram
1.p9
oṃ namaḥ | sāmavedāya namaḥ
1.p10
athātaśchandasāṃ nicayaṃ vyākhyāsyāmaḥ | gāyatryuṣṇiganuṣṭubbṛhatīpaṅktistriṣṭubjagatīti saptārṣāṇi | ekākṣarapadādīni caturakṣarādhikāni praticchandasam | gāyatryādīnāmutkṛtiravasānam | chandasāmārṣaṃ laukikaṃ ca | caturviṃśatyakṣarā gāyatrī | catuḥśatamūtkṛtiḥ | catuṣpācced gāyatrī ṣaḍakṣaraiḥ | tripātpādanivṛtsaṃjñikā 1 saptākṣaraiḥ | aṣṭasaptaṣaḍbhiḥ pratiṣṭhā | ṣaṭ saptāṣṭau ca varddhamānā
1.p11
trayo'ṣṭakāḥ svabhāvastu | uṣṇigaṣṭākṣarau dvādaśaśca | sa cenmadhye kakub bhavati | sa purastātpurauṣṇiph | sa evopariṣṭātparauṣṇiph | catuṣpāccetsaptākṣaraiḥ | anuṣṭup catvāro'ṣṭakāḥ | tripadāpyaṣṭākṣaro dvādaśau ca | tāṃ jyotiṣmatīmiti pañcālāḥ | bṛhatī trayo'ṣṭākṣarā dvādaśaśca | sa cettṛtīyaḥ pathyā bhavati | siddhetyapare | dvitīyena 1 nyaṅkusāriṇī | skandhogrīvī vā | urobṛhatī yāskaḥ | prathamakalpenopariṣṭādbṛhatī | viparītā purastādbṛhatī | athāpi daśākṣarāvaṣṭākṣarau ca
1.p12
navakairvā caturbhiḥ | dvādaśākṣarāstrayaḥ satobṛhatī | mahābṛhatītyeke | aṣṭākṣaraikādaśadvādaśānāṃ pādagrahaṇe gāyatratraiṣṭubhajāgatā iti pādasaṃjñāḥ1 | trayastraiṣṭubhā virāṭchandaḥ | daśākṣaraniyatairvā caturbhiḥ | tribhirvā | jāgatagāyatrābhyāṃ ca virāḍeva | saiba viṣṭārapaṅktiḥ | dvipadā tāṇḍinaḥ | krameṇa jāgatau gāyatrau ca prastārapaṅktiḥ | viparītāstārā | jāgatau cenmadhye viṣṭārapaṅktiḥ | ādyāntyayostayoḥ saṃstārā | sataḥpaṅktirvimiśrapādā | saiba ca siddhā | viṣṭārapaṅktistāṇḍinaḥ
1.p13
pañcakaiścaturbhirakṣarapaṅktiḥ | kvacid dvābhyāṃ vā | padapaṅktistribhiścatuṣkaṣaṭkābhyām | gāyatraiḥ pañcabhiḥ pathyā | tābhyāṃ triṣṭubjagatyau catuṣpade | ṣaṭpadāpi jagatī | gāyatraireva pañcapadāmapi triṣṭubhamicchanti | caturbhirgāyatrairjāgatena ca tathā jagatī | tribhirgāyatrairjāgatābhyāṃ ca | gāyatraścedakastriṣṭubjagatyoranuṣṭubhi cādimadhyāvasānagataḥ purastānmadhyaupariṣṭājjyotiṣmatyo jyotiṣmatyaḥ
1.p14
iti prathamo'dhyāyaḥ
Linked texts (1)
- Upanidānasūtra — Sanskrit