Upanidasutra 7
Upanidāsūtra 7
- Language
- Sanskrit
7.p1
atha cchandasāṃ varṇāḥ1 | śuklā gāyatryaḥ | sāraṅgā uṣṇahaḥ | piśaṅgarūpiṇyaḥ kakubhaḥ | kṛṣṇā anuṣṭubhaḥ | bṛhatyo rohitāḥ | nīlāḥ paṅktayaḥ | triṣṭubhaḥ suvarṇāḥ | gaurā jagatyaḥ | nakulā ekapadāḥ | dvipadā babhravaḥ | pṛśnayo virājaḥ | ato yānyanyāni cchandāṃsi śyāvāni bhavanti || atha devatāḥ2 | agniorgāyatryāḥ
7.p2
savitoṣṇikkakubhoḥ | anuṣṭubhāṃ somaḥ | bṛhatyā bṛhaspatiḥ | paṅktīnāṃ mitrāvaruṇau | vasavo vā | triṣṭubhāmindraḥ | vaiśvadevo jagatyāḥ | ādityānāṃ virājaḥ | atha prājāpatyānyaticchandāṃsi | vāyavyāni vicchandāṃsi bhavanti | dvipadāḥ puruṣadevatāḥ | brāhmya ekapadā iti
7.p3
ityaṣṭamo'dhyāyaḥ | brāhmaṇāttāṇḍinaścaiva piṅgalācca mahātmanaḥ | nidānādukthaśāstrācca chandasāṃ jñānamuddhṛtam || 1 || yasmācca cchāditā devāśchandobhirmṛtyubhīravaḥ | chandasāṃ tena cchandastvaṃ khyāyate vedavādibhiḥ || 2 || yathā chandobhirācchannān¹ devānmatsyānivodake | nahyapaśyatpurā mṛtyuramṛtatvaṃ tato² gatāḥ || 3 || chandovideva viprastu dharmatastadguṇāśritaḥ | chandasāmeti sālokyamamṛtatvaṃ ca gacchati || 4 || ityāha gārgyo gārgyaḥ | ityupanidānaṃ samāptam³
Linked texts (1)
- Upanidānasūtra — Sanskrit