Vanibhushana 3

Vāṇībhūṣaṇa 3

Language: Sanskrit

3.11

atha tryakṣaracchandaḥtālī sā nirdiṣṭā
uddiṣṭo mo yatra

3.16

yathā—
janānandakandaḥ
śriye stānmukundaḥ

3.18

yathā—
dhanado dhanadaḥ
bhavato bhavatāt

3.23

iti mṛgendraḥ
ceñcati bho yadi
mandaramañcati

3.25

iti mandaraḥ
kamalamayaita
nagaṇamaivata

3.27

iti kamalam
atha caturakṣaracchandaḥyasminvṛtte karṇaḥ karṇaḥ
vedairvarṇaiḥ sā syāttīrṇā

3.28

yathāvaṃśīnādairdattonmādaiḥ
hṛtvā cetaḥ kvāsau yātaḥ

3.29

iti tīrṇā
yattu pakṣidaṇḍyasi
vedavarṇadhāri dhāri

3.30

yathā—
rāma rāma rāma rāma
sārametadeva nāma

3.31

dvituryake gururyadā
nagāṇikā bhavettadā

3.32

yathā—
payodhijālamīkṣyate
dhavaiva tena lakṣyate

3.33

atha pañcākṣaracchandaḥ—
dvau karṇau hāraḥ saṃmohā sāraḥ
varṇāḥ pañcaivaṃ nāgādhīśoktāḥ

3.34

yathā—
dūraṃ yātālī ghorā vanyālī
kṛṣṇo māyāvī nirvedo māvī

3.35

ādyantakarṇāḥ pañcaiva varṇāḥ
labdhekahārī vācyaḥ sa hārī

3.36

yathā—
kaṃsādiketuṃ dharmekasetum
indīvarābhaṃ vande'ñjanābham

3.37

piṅgaladṛṣṭo mādiviśiṣṭaḥ
karṇayuto'sau bhāmini haṃsaḥ

3.38

yathā—
eti vasante yāti digante
kiṃ sakhi kāntaḥ ko'pi kṛtāntaḥ

3.39

iti haṃsaḥ
nagaṇamanu dvilaghu kuru
phaṇimaṇitayamakamiti

3.40

yathā—
viṣamataraviṣamaśara
prahara mayi na ciramayi

3.41

iti yamakam
atha ṣaḍakṣaracchandaḥ—
eṣā varṇaiḥ ṣaḍbhiḥ proktā chandovidbhiḥ
sarve varṇā yasyā dīrghāḥ śeṣā sā syāt

3.42

yathā—
kiṃ kuryāṃ me kāntaḥ sakhyaṃ kartuṃ bhrāntaḥ
duḥkhaiḥ svāntaṃ pūrṇaṃ yāta prāṇāstūrṇam

3.43

iti śeṣā
sakhi sadvitayaṃ bhavatīha yadā
rasavarṇapadā tilaketi tadā

3.44

yathā—
vanamālikathā sakalāpi vṛthā
punareti kathaṃ mama dṛṣṭipatham

3.45

iti tilakā
yatra pādadvayaṃ dṛśyate radvayam
nāgarājoditā sā vimohā matā

3.46

yathāparvate parvate kiṃ na santyāpagāḥ
sarvato vartate naiva daivāpagā

3.47

dvijavarakarṇīviha rasavarṇā
bhavati yadā sā kila caturaṃsā

3.48

yathājaya jaya viṣṇo tribhuvanajiṣṇo
apanaya duḥkhaṃ pravitara saukhyam

3.49

karṇadhvajānandamādhāya nityaṃ ca
varṇai rasairyattu manthānametattu

3.50

yathāśītāṃśuvaktrāya pāthojanetrāya
vandasva nandasya bhavyāya putrāya

3.51

dhvajānandakarṇāḥ paḍevātra varṇāḥ
budhānandakārī bhavecchaṅkhanārī

3.52

yathāsphuradgopanārīparīrambhakārī
hariḥ pātu vṛndāvanārbhyarṇacārī

3.53

yadā jagaṇadvi bhavedgalaghu
phaṇī vitanoti sumālatiketi

3.54

yathāmanojaśareṇa viṣaṇṇatareṇa
avādi na tena bhavaddayitena

3.55

iti sumālatī
dviguṇanagaṇamiha vitanuhi
damanakamidamiti gadati hi

3.56

yathāsuvacanamiha bhṛśamupanaya
sumukhi madanarujamapanaya

3.57

iti damanakam
atha saptākṣaracchandaḥhārameṇa yadā saṃkulā bhavettadā
saptavarṇasaṃgatā sā samānikā matā

3.58

yathāpadmacārucakṣuṣā nīlanīrarutviṣā
āli manmano hṛtaṃ vaṃśanārdamohitam

3.59

iti samānikā
dvijagaṇamāhara bhagaṇamupāhara
bhaṇati suvāsakamiti guṇināyaka

3.60

yathāgirivaranandini duritanikṛndini
nihitarnatau mayi kuru karuṇāmayi

3.61

iti suvāsakam
dvijagaṇamayehi jagaṇamanudehi
niśidharasasa(si)ddhi bhavati karahaṃsi

3.62

yathāracaya rucirāṇi sumukhi vacanāni
nayanamapidhehi śayanatalamehi

3.63

iti karahaści
uktā varṇāḥ saptāsyāṃ sarve dīrghāḥ syuryasyām
eṣā śīrṣā nirdiṣṭā keṣāṃ harṣaṃ nodeṣṭā

3.64

yathādṛṣṭaḥ kṛṣṇaḥ kālindītīre gaugopānandī
veṇukvāṇairutkānāṃ cetohartā gopīnām

3.65

iti śīrṣā
athāṣṭākṣaracchandaḥuktā yasyāmaṣṭau varṇāḥ pāde pāde sarve dīrghāḥ
viśrāmaḥ syāttūrye tūrye sā vidyunmālā nirdiṣṭā

3.66

yathāāgāminyo no yāminyo yā yā yātā bhūyo bhūyaḥ
abhracchāyāvattāruṇyaṃ mānenānena syātkiṃ te

3.67

iti vidyunmālā
hāraśaṅkhakrameṇa maṇḍitāṣṭavarṇakena
varṇitā kutūhalena malliketi piṅgalena

3.68

yathāvedavedirvālakhilyanāradādisaṃstutāya
astu me natiḥ sadaiva viśvarūpamāvitaiva

3.69

iti mallikā
prasūnakuṇḍalakramairihāṣṭavarṇavibhramaiḥ
bhujaṃgarājavarṇitā pramāṇiketi sā matā

3.70

yathā—
prayāhi dūti satvaraṃ na te vaco'tisundaram
ito'pyudeti paścime kulavratavyayo na me

3.71

dviguṇanagaṇakarṇaiḥ sulalitavasuvarṇaiḥ
rasikavihitaraṅgā prabhavati kila tuṅgā

3.72

yathā—
viharasi mama citte madanaviśikhakṛtte
na nayanaviṣayatvaṃ vrajasi tadapi me tvam

3.73

dvijavaragaṇānvitaṃ jagaṇagurusaṃgatam
phaṇinṛpatijalpitaṃ kamalamiva kalpitam

3.74

yathā—
viharati vilāsinīpariṣadi harivane
iti vadati rādhikā nijasahacarījane

3.75

bhādigaṇe karṇavaraṃ sāntamidaṃ vṛttavaram
pannagarājena kṛtaṃ māṇavakakrīḍitakam

3.76

yathā—
kokavadhūśokaharaṃ padmavanībodhakaram
gāḍhatamonāśakaraṃ naumitarāmuṣṇakaram

3.77

laghu syātpañcamaṃ yatra guru ṣaṣṭhaṃ tu saptamam
dvituryapādayorhrasvamaṣṭākṣaramanuṣṭubham

3.78

yathā—
hṛdayaṃ madayantyete madonmattāḥ śilīmukhāḥ
vipāktāḥ puṣpadhanuṣo mūrtā iva śilīmukhāḥ

3.79

ityanuṣṭup
atha navākṣaracchandaḥ—
dṛśyate pakṣirājatrayaṃ yatra vṛtte manoharake
saṃtataṃ piṅgalenoditā sā mahālakṣmikā kīrtitā

3.80

yathā—
naumi yuṣmatpadāmbhoruhaṃ caṇḍakīnāśapāśāpaham
śeṣacūḍāmaṇīrañjitaṃ devarājādibhirvanditam

3.81

iti mahālakṣmī
dvijavarakarṇau sagaṇaṃ viracaya yasyāścaraṇam
jagadabhirāmaṃ hitayā bhavati hi sāraṅgikayā

3.82

yathā—
praṇamata rādhāramaṇaṃ nṛganṛpacāghāśamanam
asuramadāpāharaṇaṃ yadukulacūḍābharaṇam

3.83

iti sāraṅgī
ādau karṇadvayalalitaṃ kṛtvā vipraṃ gurusahitam
tadvṛttaṃ piṅgalabhaṇitaṃ pāitteti śravaṇahitam

3.84

yathā—
bhrāmaṃ bhrāmaṃ bhuvanatalaṃ darśaṃ darśaṃ jagadakhilam
bhūyo bhūyaḥ parigaṇitaṃ viṣṇornāma śrayata hitam

3.85

iti pāittā
dvijavarayugalayutaṃ kalaya guru viratigam
bhaṇati phaṇipatiridaṃ kamalamiva ratipadam

3.86

yathā—
sajalajaladharanibhaṃ bhuvanatalakṛtaśubham
vinihatabalinarakaṃ namata madhumathanakam

3.87

iti kamalam
nagaṇakaragandhakarṇaṃ bhavati navavarṇapūrṇam
phaṇivadanabhūṣaṇaṃ yadbhavati kila vimbametat

3.88

yathā—
kapaṭakṛtagopaveṣaḥ śayanavarabhūtaśeṣaḥ
jayati kṛtanandaharṣo girimivṛtavātavarṣaḥ

3.89

iti vimbam
prathamaṃ karaṃ vinidhāya jagaṇadvayaṃ ca nidhāya
iti tomaraṃ sukhakāri kavirājavaktravihāri

3.90

yathā—
sakhi mādake madhumāsi vraja satvaraṃ vimihāsi
saha tena kiṃ viharāmi kimu pāvakaṃ praviśāmi

3.91

iti tomaram
catvāro'bdhinvarṇā jāyante chandasyekaṃ hāraṃ kurvante
ra̍ndhā varṇāḥ pāde rājante rūpāmālīvṛttaṃ tattvānte

3.92

yathā—
hatvā śatruṃ nṛtyantī caṇḍaṃ sā caṇḍī vaḥ kalyāṇaṃ kuryāt
devendrādyāḥ bhaktyā samprāptāḥ saṃsevante yatpādāmbhojam

3.93

iti rūpāmālī
atha daśākṣaracchanda.—
sagaṇaṃ pura. kuru śobhinaṃ jagaṇadvayaṃ gurvasañcitam
phaṇināyakena niveditā bhavatīha saṃyutakā hitā

3.94

yathāavadhehi kiṃcidanuttaraṃ pravadāmi te nṛpa satvaram
tava dikṣu kīrtivilāsinī pratibhikṣugehanivāsinī

3.95

iti saṃyutakā
pādavirājanūpurayugmā kuṇḍalaśobhāsaṅgisukarṇā
śaṅkhavatī hāradvayapūrṇā campakamālā bhāti suvarṇā

3.96

yathāāli kulabhraṣṭāhamadhanyā hantu ca māmeṣā ravikanyā
nandakumāro nirgataśaṅkaḥ saṃprati bhāvī ko'pi kalaṅkaḥ

3.97

iti campakamālā
dīrghalaghudvayabhadvigaṇā hāravirājicatuścaraṇā
piṅgalanāgamate bhaṇitā sāravatī kavisārthahitā

3.98

yathāmādhavamānaya matsavidhaṃ kiṃ sakhi cintaya mitravadham
yatna kariṣyasi matpraṇayaṃ no gamayāpi tadā samayam

3.99

iti sāravatī
karṇau dvilaghuḥ karṇau bhagaṇaḥ śeṣe guruṇā pūrṇaścaraṇaḥ
yasyāṃ bhavitā bāle paramā saiṣā supamā dīvyatsupamā

3.100

yathāeṇīnayane kelīkalahe preyānvada kiṃ kiṃ no kurute
dhanyā ramaṇī sarvaṃ sahate duḥkhaṃ sukhavatsvānte manute

3.101

iti supamā
nagaṇapayodhararucirā kusumavirājitasukarā
vasulaghudīrghayugalakā bhavati sase'mṛtagatikā

3.102

yathā—
abhisarati pratibhavanaṃ malayajairnuḥ satatagatiḥ
abhilaṣati priyavaṃcanā śramasalilaṃ viramayitum

3.103

ityamṛtagatiḥ
athaikādaśākṣaracchandaḥ—
bhatrayasaṃgataśobhitakarṇaḥ śuddhasusaṃgatapaṅktikakarṇaḥ
pannagarājaveditabandhū rājati bhūpatisaṃsadi vandyaḥ

3.104

yathā—
makṣitavāsaranāyakacandraḥ kāmisamūhasamāhitatandraḥ
darśitalolataḍitkaravālaḥ so'yamupaiti ghanāgamakālaḥ

3.105

iti bandhuḥ
parikalyādilaghudvitayaṃ kuru vimalaṃ sagaṇatritayam
prabhavati śeṣasahasramukhīvinigaditeha tadā sumukhī

3.106

yathā—
kalayasi candanamindukaraṃ mṛdupavanaṃ paritāpaharam
priyaviraheṇa taveti daśā kayamapayātu vasantaniśā

3.107

iti sumukhī
bhannitayaṃ yadi karṇasametaṃ piṅgalanāgasubhāvitametat
paṇḍitamaṇḍalasaṃhṛtacittaṃ bhāmini bhāvaya dodhakavṛttam

3.108

yathā—
etadupaiti ghanaṃ ghanajālaṃ nirdaladindramaṇīrucikālam
phullakadambalasadvanamālaṃ pānyavadhūjanadarśitakālam

3.109

iti dodhakam
kṛtvā karṇau maṇḍitau kuṇḍalena śuddhaṃ hāraṃ nūpuraṃ rātrayuktam
dhṛtvā yugmaṃ cāmaraṃ cārumāli śālinyeṣā preyasī piṅgalasya

3.110

yathāārabhyante śarmakarmāṇi nūnaṃ prājñairlokairvācyatāmātrabhītaiḥ
tanniṣpattau vāsudevaḥ pramāṇaṃ ko vā vaktā kāryakartāhamasmi

3.111

iti śālinī
dvijavaragaṇayugamamalaṃ tadanu ca kalaya karatalam
phaṇipativaraparikalitaṃ damanakamidamatilalitam

3.112

yathāpraṇamata madhuripucaraṇaṃ bhavajalanidhiparitaraṇam
abhinavakisalayaruciraṃ surapatikṛtanati suciram

3.113

yathā vāpraṇamata munijanaśaraṇaṃ bhavajalanidhiparitaraṇam
amalakamalasamacaraṇaṃ surapatitaruvaraharaṇam

3.114

idaṃ ca prākṛtenāpi paṭhituṃ śakyate
jahāpaṇamaha muṇiaṇasaraṇaṃ bhavajalaṇihiparitaraṇam
amalakamalasamacaraṇaṃ suravaitaruvaraharaṇam

3.115

iti damanakam
hāraśaṅkhakuṇḍalena maṇḍitā yā payodhareṇa vīṇayāṅkitā
rūpanūpureṇa cātidurlabhā senikā bhujaṅgarājavallabhā

3.116

yathāsāyudhāṣṭabāhurājimaṇḍitā raktabījaraktapānapaṇḍitā
caṇḍamuṇḍaśumbhadambhakhaṇḍikā maṅgalāni no dadātu caṇḍikā

3.117

iti senikā
ādau catvāro'syāṃ karṇā dṛśyante śeṣe yasyā romā hārā rājante
rudrairvarṇāḥ pāde pāde saṃkhyātā mālatyeṣā vāṇībhūṣā vikhyātā

yathā—
pāyānmāyāmīno līlaḥ kalpānte prāgdikkṣoṇībhartuḥ pāṇikrauḍe yaḥ
vyāptāmbhodhistasminkāle līlābhiḥ samyaksarvopaghno yatpṛṣṭhe'tiṣṭhan 1 18
iti mālatī
karṇadhvajau gaṇḍamṛgendrahārā bhavanti yasyāścaraṇe samaste
tāmindravajrāmatimātrakāntāṃ bhogīndravakrāṅgamaraṇdadhārām

3.120

yathā—
raktāmbareṇoditalambamānaśītāṃśucaṇḍātapakuṇḍalābhyām
tārāṃśutārāvalihṛdyahāraiḥ svīyāṃ śriyaṃ bhūpayatīva saṃdhyā

3.121

itīndravajrā
payodharaṃ hārayugaṃ dadhānā karaṃ saśaṅkhaṃ valayadvayaṃ ca
upendravajrā bhuvanaikasārā virājate pannagarājakāntā

3.122

yathā—
na ṣaṭpadaśreṇibhireṇadṛṣṭerna vā navāmbhodharakandalībhiḥ
atulyabhāsyāḥ kabarīlateti divā samunmīlati nāndhakāraḥ

3.123

ityupendravajrā
upendravajrāpadasaṃgatāni yadīndravajrācaraṇāni ca syuḥ
tadopajātiḥ kathitā kavīndrairbhedā bhavantīha caturdaśāsyāḥ

3.124

yathā—
payodharasyātibhareṇa tasyā madhyo nu bhajyeta sumadhyamāyāḥ
avandhi dattvā navaromarāji manobhavena trivalīguṇena

3.125

ityupajātiḥ
hārasaṃgatapayodharākaraṃ śaṅkhayuktavalayena saṃyutam
vibhratī kanakakuṇḍalaṃ mudaṃ kāminīva kurute rathoddhatā

3.126

yathā—
'dīrghaghoṣakuladevadīrghikāpaṅkajaṃ ravikaro vyarājata
īrṣyayeva duhituḥ payonidheryatra vāsamakarotsarasvatī

3.127

iti rathoddhatā
hāriṇī kanakakuṇḍalayuktā puṣpayuktakarayugā valayaśrīḥ
varṇitāhipativaktrasahasraiḥ svāgatā harati kasya na cetaḥ

3.128

yathā—
paṅkajaṃ tadapi pāthasi magnaṃ candramāḥ sa ca ghanāntarito'bhūt
tvanmukhenduttulayāpi vinodaṃ naivahanta sahate hata vedhāḥ

3.131

iti svāgatā
atha dvādaśākṣaracchandaḥ—
nāgādhīśenoktaṃ vṛttaṃ vidyādhāraṃ pa‌dbhiḥ karṇairetairbhūbhau chandaḥsāram
syādasminviśrāmo vedairvedairvedaiḥ kṛtvā yatsyāttūrṇaṃ dhīraḥ kīrtyāyuktaḥ129
yathā—
vande pādāmbhojaṃ nityaṃ sītābhartuḥ kṛtvā sindhau setuṃ rakṣonāthaṃ hantum
pitrorājñāṃ jñātvā prājyaṃ rājyaṃ hātuḥ svīyaiḥ sarvairlokaiḥ sākaṃ nākaṃ yātuḥ
iti vidyādhāram
yadāvṛttayo gandhakarṇakrameṇa bhaveyuścatasro varaṃ vṛttametat
bhujaṅgaprayātaṃ hariprītihetorbhujaṅgādhirājastadā saṃjagāda

3.133

yathā—
niśāyāṃ tamaḥpūrasaṃpūritāyāṃ prayāntī rahastvatsamīpaṃ samutkā
akasmāttamālokya māmantike te kadā hrīyutā toyarāśeḥ sutā syāt
iti bhujaṅgaprayātam
dvādaśairvarṇakairnirmitaṃ saṃtataṃ taddhi lakṣmīdharaṃ vṛttamākīrtitam
dṛśyate yaccaturjohalairaṅkitaṃ pannagādhīśavāṇīvinodāyitam

3.134

rāsakelīkalollāsasaṃbhāvitaṃ gopasīmantinīvṛndasaṃlālitam
rādhayā gītasaṃmugdhayāliṅgitaṃ naumi gopālakaṃ devakībālakam

3.135

vinidhehi catuḥsagaṇaṃ ruciraṃ ravisaṃkhyakavarṇakṛtaṃ suciram
phaṇināyakapiṅgalasaṃbhaṇitaṃ kuru toṭakavṛttamidaṃ gaṇitam

3.136

harireti punaryadi matsanividhaṃ vidadhāmi tadā nanu kiṃ na vaidham
yuvatījanajīvanamāli vṛthā na karoti yadā vanamālikathāḥ

3.137

karṇadhvajānandamādhāya sānandametatpunaḥ sūryasaṃkhyākavarṇana
sāraṅgavṛttaṃ tadā piṅgalākhyena sadyaḥ prakāśīkṛtaṃ kāvyavidyena

3.138

sānandalakṣmīkaropāsyamānena dṛṣṭena tṛpyanti ke nāma loke na
govindapādena jātaprasādena sūryāśusaṃbhinnapadmaprakāśena

3.139

payodharamatra catuṣkamavehi kalāścaraṇe kila ṣoḍaśa dehi
bhujaṅgapaterhṛdi mauktikadāma suvṛttamidaṃ śṛṇu mauktikadāma

3.140

mayā tava kiṃcidakāri kadāpi vilāsini vāṅmanusāratāpa
tathāpi manastava nāśvasanāya bhajāmi kuto bhavatīmapahāya

3.141

pādayugaṃ kuru nūpurasundaramāśu kare kusumadvayamāhara
sundari sarvajanaika manoharamodakavṛttamidaṃ parito dhara

3.142

yathā—
mānasamaitadanukṣaṇamicchati gopakulaṃ yadi he sakhi gacchati
tatkaravai praṇayaṃ suravidviṣi sarvasapatnajane vihitatviṣi

3.143

iti modakaḥ
dvijavaragaṇayugamupanaya sakusumanagaṇamiha racaya
sudati vimalataraphaṇipatinigaditataralanayanamiti

3.144

yathā—
apahara purahara mama daramabhinavakaliyugabhayakara
himagirivihitaśayanavara sukṛtasulabha śaśadharadhara

3.145

iti taralanayanam
kusumagandharasairtibhūṣitā caraṇasaṃgatanūpuramaṇḍitā
karasuvarṇalasaddalayānvitā sphurati kasya na cetasi sundarī

3.146

yathā—
asulabhā śaradindumukhī priyā manasi kāmaviceṣṭitamīdṛśam
malayamārutacālitamālatīparimalaprasaro hatavāsaraḥ

3.147

iti sundarī
karasaṅghiśaṅkhavalayā sarasā kanakadvayaikavalayā subhujā
varavarṇinī rasikasevyapadā pramitākṣarā vijayate pramadā

3.148

yathā—
abhajadbhayādiva nabho vasudhāṃ dadhurekatāmiva sametya diśaḥ
abhavanmahī padayugapramitā timirāvalīkavalite jagati

3.161

iti pramitākṣarā
atha trayodaśākṣaracchandaḥ—
kṛtvā karṇī kuṇḍalayuktau kuru ratnaṃ dhṛtvā pādaṃ nūpurayuktaṃ kuru hāram
māyāvṛttaṃ piṅgalanāgoditametajjānītādaḥ paṇḍitavaktrāmbujasāram 149
yathāudyadbādhā saṃprati rādhā madhumāse śaṅke saṃketaṃ prati yātā kimudāse
kelīkuñjaṃ śūnyamavekṣyāsta rahasyāḥ prāṇatrāṇaṃ bhāvi kathaṃ vā vada tasyāḥ
iti māyā
yadi toṭakavṛttapade gurureko bhavatīha tadā kila tārakavṛttam
phaṇināyakapiṅgalavarṇitametadvarapaṇḍitamaṇḍalikāhṛtacittam