Baudhayanagrihyasutra 2.6: atha dvitīyapraśne ṣaṣṭho 'dhyāyaḥ

Baudhāyanagṛhyasūtra 2.6

Language: Sanskrit

atha dvitīyapraśne ṣaṣṭho 'dhyāyaḥ

2.6.1

vedamadhītya snātyannityuktaṃ samāvartanam \1\

2.6.5

mantrabrāhmaṇe adhītya cīrṇeṣu vā vrateṣu \5\

2.6.7

atha devayajanollekhanaprabhṛtyā 'gnimukhāt kṛtvā pālāśīṃ samidhamājyenāktvā madhyaṃdine 'bhyādadhāti \7\

atha keśaśmaśrulomanakhāvāpanenaiva pratipadyate siddhamācchatrādānātkṛtvā pakvājjuhoti āvahantī vitanvānā \ kurvāṇā cīramātmanaḥ \ vāsāṃsi mama gāvaśca \ annapāne ca sarvadā \ tato me śriyamāvaha \ lomaśāṃ paśubhissaha svāhā iti \9\

2.6.10

athājyāhutīrupajuhoti amāyantu brahmacāriṇassvāhā \ yaśojane 'sāni svāhā \ śreyān vasyaso 'sāni svāhā \ taṃ tvā bhaga praviśāni svāhā \ sa mā bhaga praviśa svāhā iti \10\

2.6.11

sviṣṭakṛtprabhṛti siddhamādhenuvarapradānāt \11\

2.6.12

athāgreṇāgniṃ bilvaśākhāyāṃ hutaśeṣaṃ nidadhāti tasmin sahasraśākhe \ nibhagāhaṃ tvayi mṛje svāhā iti \12\

2.6.13

atha pakvādupādāya prāśnati yathā ' 'paḥ pravatā yanti \ yathā māsā aharjaram \ evaṃ māṃ brahmacāriṇaḥsra \ dhātarāyantu sarvatassvāhā iti \13\

2.6.14

prāśyāpa ācamyoraḥ pratyātmānaṃ pratyabhimṛśate prativeśosi pra mā pāhi pra mā padyasva iti \14\

2.6.15

so 'traivāste ānakṣatrāṇāmudayāt \15\

2.6.16

athoditeṣu nakṣatreṣūpaniṣkramya diśa upatiṣṭhata iti siddhamata ūrdhvam \16\

2.6.17

yasminnagnāvupanayati tasmin brahmacaryaṃ tasmin vratacaryaṃ tasmin samāvartanaṃ tasmit pāṇigrahaṇaṃ tasmin gṛhyāni karmāṇi kriyante \17\

2.6.18

tasmin kāmyāni tasmin prajāsaṃskārā ityeke \18\

2.6.19

sa eṣa upanayanaprabhṛti vyāhṛtībhissamiddhirhūyata ā samāvartanāt \19\

2.6.20

samāvartanaprabhṛtyājyena vyāhṛtībhirhūyata ā pāṇigrahaṇāt \20\

2.6.21

pāṇigrahaṇaprabhṛti vrīhibhiryavairvā hastenaite āhutīrjuhoti agnaye svāhā prajāpataye svāhā iti sāyam \ sūryāya svāhā prajāpataye svāhā prātarapi \21\