Pramāṇa · Search · About · API

Baudhayanagrihyasutra 2.7: atha dvitīyapraśne saptamo 'dhyāyaḥ

Baudhāyanagṛhyasūtra 2.7

Language
Sanskrit

atha dvitīyapraśne saptamo 'dhyāyaḥ

2.7.1

atha śūlagavassaṃvatsare saṃvatsare mārgaśīrṣyāṃ paurṇamāsyāṃ kriyeta \1\

2.7.2

api vā ' 'rdrāyām \2\

2.7.3

goṣu vopataptāsu goṣu guptāsu \3\

2.7.4

araṇye 'gnimupasamādhāya samparistīryā praṇītābhyaḥ kṛtvā barhirādāya gāmupākaroti īśānāya tvā juṣṭāmupākaromi iti \4\

2.7.5

tūṣṇīmityeke \5\

2.7.6

athaināmadbhiḥ prokṣati īśānāya tvā juṣṭāṃ prokṣāmi iti \6\

2.7.7

tūṣṇīmityeke \7\

2.7.8

tāmatraiva pratīcīnaśirasīmudīcīnapadīṃ saṃjñapayanti \8\

2.7.9

tasyai saṃjñaptāyā adbhirabhiṣekam \9\

2.7.10

prāṇānāpyāyayati tūṣṇīm \10\

2.7.11

tūṣṇīṃ vapāmutsvidya hṛdayamuddharati \11\

2.7.12

prajñātāni cāvadānāni \12\

2.7.13

tānyeṣveva śūleṣūpanīkṣya tasminnevāgnau śrapayanti \13\

2.7.14

athaitāni śūlebhya upanīkṣya punaḥ kumbhyāṃ śrapayanti \14\

2.7.15

athaitānyabhighāritānyudvāsya pratiṣṭhitamabhighārayati \15\

2.7.16

paridhānaprabhṛtyā 'gnimukhāt kṛtvā daivatamāvāhayati ā tvā vahantu harayassacetasaśśvetairaśvaissahaketumadbhiḥ \ vātājirairbalavadbhirmanojavairāyāhi śīghraṃ mama havyāya śarvomiti \16\

2.7.17

atha snuveṇopastīrṇāmabhighāritāṃ vapāṃ juhoti sahasrāṇi sahasraśaḥ iti puronuvākyāmanūcya īśānaṃ tvā bhuvanānāmabhiśriyamiti yājyayā juhoti \17\

2.7.18

atraitānyavadānānīḍāsūne pracchaudanaṃ māsaṃ yūṣamityājyena samudāyutya mekṣaṇenopaghātaṃ pūrvārdhe juhoti bhavāya devāya svāhā śarvāya devāya svāhā īśānāya devāya svāhā paśupataye devāya svāhā rudrāya devāya svāhā ugrāya devāya svāhā mīmāya devāya svāhā mahate devāya svāhā iti \18\

2.7.19

atha madhye juhoti_bhavasya devasya patnyai svāhā śarvasya devasya patnyai svāhā īśānasya devasya patnyai svāhā paśupaterdevasya patnyai svāhā rudrasya devasya patnyai svāhā ugrasya devasya patnyai svāhā mahato devasya patnyai svāhā iti \19\

2.7.20

athāparārdhe juhoti bhavasya devasya sutāya svāhā śarvasya devasya sutāya svāhā īśānasya devasya sutāya svāhā paśupaterdevasya sutāya svāhā rudrasya devasya sutāya svāhā ugrasya devasya sutāya svāhā mīmasya devasya sutāya svāhā mahato devasya sutāya svāhā iti \19\
athājyāhutīrupajuhoti_namaste rudra manyave ityā 'ntādanuvākasya \ sviṣṭakṛtprabhṛti siddhamādhenuvarapradānāt \22\

2.7.23

athāgreṇāgnimarkaparṇeṣu hutaśeṣaṃ nidadhāti_yo rudro agnau yo apsu ya oṣadhīṣu yo rudro viśvā bhuvanā ' 'viveśa tasmai rudrāya namo astu iti \23\

2.7.24

sthālīsaṅkṣālanamājyaśeṣamudakaśeṣaṃ ca pātryāṃ samānīya vetasaśākhayāvokṣan sarvataḥ triḥ pradakṣiṇaṃ gāḥ paryeti_ā gāvo agmannuta bhadyamakran ityetena sūktena \24\

2.7.25

mahatsvastyayanamityācakṣate \25\

2.7.26

atha yadi gāṃ na labhate meṣamajaṃ vā ' 'labhate \26\

2.7.27

īśānāya sthālīpākaṃ vā śrapayanti tasmādetatsarvaṃ karoti yadgavā kāryam \27\

2.7.28

śūlagavo vyākhyātaḥ \28\

2.7.29

evamevāṣṭamyāṃ pradoṣe kriyetaitāvadeva nānā \29\

2.7.30

nātropākaraṇaṃ paśoḥ \30\
iti bodhāyanīyagṛhyasūtre dvitīyapraśne saptamo 'dhyāyaḥ

Linked texts (5)