Baudhayanagrihyasutra 3.9.3
Baudhāyanagṛhyasūtra 3.9.3
- Language
- Sanskrit
3.9.3
sahāntevāsibhirgrāmātprācīṃ vodīcīṃ vā diśamupaniṣkramya yatrāpassutīrthāssūpāvagāhāssravantyassvavakinyaśśaṅkhinyastāsāmantaṃ gatvā snātvā 'pa ācamya surabhimatyā 'bliṅgābhirvāruṇībhirhiraṇyavarṇābhiḥ pāvamānībhiriti mārjayitvā 'ntarjalagato 'ghamarṣaṇena trīn prāṇāyāmān dhārayitvottīrya vāsaḥ pīḍayitvā 'nyatprayataṃ vāsaḥ paridhāyāpa ācamyāpāṃ samīpe sthaṇḍilāni kṛtvā darbhānanyonyasmai saṃpradāya darmairāsanāni kalpayanti brahmaṇe kalpayāmi prajāpataye bṛhaspataye agnaye vāyave sūryāya candramase nakṣatrebhyaḥ ṛtubhyaḥ saṃvatsarāya indrāya rājñe yamāya rājñe varuṇāya rājñe somāya rājñe vaiśravaṇāya rājñe vasubhyaḥ rudrebhyaḥ ādityebhyaḥ viśbhyo devebhyaḥ sādhyebhyo devebhyaḥ marudbhyaḥ ṛbhubhyaḥ bhṛgubhyaḥ atharvabhyo 'ṅgirobhyaḥ viśvāmitrāya jamadagnaye jāmadagnyāya bharadvājāya gautamāya ātreyāya vasiṣṭhāya kāśyapāya arundhatyai kalpayāmīti \3\
Linked texts (4)
- Paippalādasaṃhitā — Sanskrit
- Hiraṇyakeśigṛhyasūtra — Hiraṇyakeśin, Sanskrit
- Āpastambagṛhyasūtra — Āpastamba, Sanskrit
- Kalpaḥ — Sanskrit