Bharadvajagrihyasutra 1.14
Bhāradvājagṛhyasūtra 1.14
- Language
- Sanskrit
1.14.1
agniraitu prathamo devatānāṃ so 'syai prajāṃ muñcatu mṛtyupāśāt \
1.14.2
tadayaṃ rājā varuṇo 'numanyatāṃ yatheyaṃ strī pautramaghaṃ na rodātsvāhā \
1.14.3
imāmagnistrāyatāṃ gārhapatyaḥ prajāmasyai nayatu dīrghamāyuḥ \
1.14.4
aśūnyopasthā jīvatāmastu mātā pautramānandamabhiprabudhyatāmiyaṃ svāhā \
1.14.5
mā te gṛhe niśi ghoṣa utthādanyatra tvadrudatyaḥ saṃviśantu \
1.14.6
mā tvaṃ vikeśyura āvadhiṣṭhā jīvapatnī patiloke virāja paśyantī prajāṃ sumanasyamānāṃ svāhā \
1.14.7
dyauste pṛṣṭhaṃ rakṣatu vāyurūrū aśvinau ca stanaṃ dhayantaṃ savitābhirakṣatu \
1.14.8
ā vāsasaḥ paridhānādbṛhaspatirviśve devā abhirakṣantu paścātsvāhā \
1.14.9
aprajastāṃ pautramṛtyuṃ pāpmānamuta vāgham \
1.14.10
śīrṣṇaḥ srajamivonmucya dviṣadbhyaḥ pratimuñcāmi pāśaṃ svāheti pūrṇā paścādimaṃ me varuṇa tattvā yāmi tvaṃ no agne sa tvaṃ no agne tvamagne ayāsyayāścāgne 'syanabhiśastīśca yadasya karmaṇo 'tyarīricaṃ prajāpata ityuttamāṃ hutvā gurave varaṃ dadāti \14\
Linked texts (4)
- Taittirīyāraṇyaka (complete text) — Sanskrit
- Hiraṇyakeśigṛhyasūtra — Hiraṇyakeśin, Sanskrit
- Ekāgnikāṇḍa — Sanskrit
- Kalpaḥ — Sanskrit