Kalpah 2.6.19.69_174

2.6.19.69_174

vyāhṛtiparyantaṃ kṛtvā juhoti . agniraitu prathamo devatānām̐ sau'syai prajāṃ muñcatu mṛtyupāśāt . tadayam̐ rājā varuṇo'numanyatāṃ yatheyam̐ strī pautramaghaṃ naro'dātsvāhā . imāmagnistrāyatāṃ gārhapatyaḥ prājāmasyai nayatu dīrghamāyuḥ . aśūnyopasthā jīvatāmastu mātā pautramānandamabhiprabudhyatāmiyam̐ svāhā . mā te gṛhe niśi ghoṣa utthādanyatra tvadrudatyaḥ saṃviśantu . mā tvambike śūraavidhiṣṭhā jīva patnī patiloke virāja prajāṃ paśyantī sumanasyamānām̐ svāhā . dyauste pṛṣṭham̐ rakṣatu vāyurūrū aśvinau ca stanaṃ dhayataste putrānsavitā'bhirakṣu . āvāsasaḥ paridhānādbṛhaspatirviśve devā abhirakṣantu paścātsvāhā. aprajastāṃ pautramṛtyuṃ pāpmānamuta vā'gham . śīrṣṇaḥ srajamivonmucya dviṣadbhyaḥ pratimuñcāmi pāpam̐ svāhā . devakṛtaṃ brāhmaṇaṃ kalpamānaṃ tena hanmi yoniṣadaḥ piśācān . kravyādo mṛtyūnadharānpādayāmi dīrghamāyustava jīvantu putrāḥ svāhā .. 2 ..