Bharadvajagrihyasutra 1.7.2
Bhāradvājagṛhyasūtra 1.7.2
- Language
- Sanskrit
1.7.2
śaṃ yorabhisravantu na ityathāsya dakṣiṇena hastena dakṣiṇaṃ hastamabhīvāṅguṣṭhamabhīva lomāni gṛhṇāti devasya tvā savituḥ prasave 'śvinorbāhubhyāṃ pūṣṇo hastābhyāṃ hastena te hastaṃ gṛhṇāmi savitrā prasūtaḥ ko nāmāsītyasāvitītaraḥ pratyāha tasya nāmābhipadya japatyasau savitā te hastamagrabhīdagniṣṭa ācāryaḥ kasya brahmacāryasi kasmai tvā kāya tvā kamupanayāmyāgantā mā riṣeṇyataḥ prasthāvāno bhāvasthātu samanyavo dṛḍhāścidamariṣṇavaḥ kṛśāścidamariṣṇava ā ganta saṃrabhāvahai preto mṛtyuṃ nudāvahai na mṛtyuścaratīha \7\