Bharadvajagrihyasutra 2.8
Bhāradvājagṛhyasūtra 2.8
- Language
- Sanskrit
2.8.1
śūlagavaṃ vyākhyāsyāma āpūryamāṇapakṣe puṇye nakṣatre payasi sthālīpākaṃ śrapayitvā prācīṃ vodīcīṃ vā diśamupaniṣkramya sthaṇḍilaṃ kalpayitvāgnimupasamādhāya saṃparistīryāpareṇāgniṃ dve kuṭī kṛtvā śūlagavamāvāhayatyā tvā vahantu harayaḥ sucetasaḥ śvetairaśvaiḥ saha ketumadbhiḥ \
2.8.2
vātājirairmama havyāya śarvomiti dakṣiṇasyāṃ śūlagavamuttarasyāṃ mīḍhuṣīṃ madhye jayantaṃ yathoḍhamudakāni pradāya trīnodanānuddhṛtya yathoḍhamevopasparśayatyupaspṛśatu mīḍhvānmīḍhuṣe svāhopaspṛśatu mīḍhuṣī mīḍhuṣyai svāhā jayantopaspṛśa jayantāya svāheti śūlagavasyāgnimabhyudāhṛtya juhoti bhavāya devāya svāhā śarvāya devāya svāheśānāya devāya svāhogrāya devāya svāhā bhīmāya devāya svāhā rudrāya devāya svāhā paśupataye devāya svāhā mahate devāya svāheti \8\
Linked texts (5)
- Āgniveśyagṛhyasūtra — Agniveśa, Sanskrit
- Hiraṇyakeśigṛhyasūtra — Hiraṇyakeśin, Sanskrit
- Taittirīyāraṇyaka (complete text) — Sanskrit
- Ekāgnikāṇḍa — Sanskrit
- Kalpaḥ — Sanskrit