Ekagnikanda 1.10301

1.10301

iti prathamapro dvitīyaḥ khaṇḍaḥ ||
soma̍ḥ pratha̱mo vi̍vide gandha̱rvo vi̍vida̱ utta̍raḥ | tṛ̱tīyo̍ a̱griṣṭe̱ pati̍stu̱rīya̍ste
manuṣya̱jāḥ | somo̍'dadandha̱rvāya̍ gandha̱rvo'da̍dada̱graye̎ | ra̱yiā̍
pu̱trām̐ścā̍dāda̱grirmahya̱matho̍ i̱mām | gṛ̱bhṇāmi̍ te suprajā̱stvāya̱ hasta̱ṃ mayā̱ patyā̍
ja̱rada̍ṣṭi̱ryathā'sa̍ḥ | bhago̍ arya̱mā sa̍vi̱tā pura̍ndhi̱rmahya̍ntvā'
du̱rgārha̍patyāya devāḥ | te ha̱ pūrve̱ janā̍so̱ yatra̍ pūrva̱vaho̍ hi̱tāḥ | mū̱rddha̱nvān
yatra̍ saubhra̱vaḥ pūrvo̍ de̱vebhya̱ ā'ta̍pat | sara̍svati̱ predama̍va̱ subha̍ge̱
vāji̍nīvati | tāṃ tvā̱ viśva̍sya bhū̱tasya̍ pra̱gāyā̍masyagra̱taḥ | ya eti̍ pra̱diśa̱ssarvā̱ diśo'nu̱
pava̍mānaḥ | hira̍ṇyahasta aira̱mmassa tvā̱ manma̍nasaṃ
kṛṇotu | eka̍mi̱ṣe viṣṇu̱stvā'nve̍tu̱ dve ū̱rje trīṇi̍ vra̱tāya̍ ca̱tvāri̱ māyo̍bhavāya̱
pā̍ pa̱śubhya̱ṣṣaḍṛ̱tubhya̍ssa̱pta sa̱ptabhyo̱ hotrā̎bhyo̱ viṣṇu̱stvā'nve̍tu |
sakhā̍ sa̱ptapa̍dā bhava̱ sakhā̍yau sa̱ptapa̍dā babhūva sa̱khyante̍ gameyam̐ sa̱khyātte̱ mā yo̍ṣam̐ sa̱khyānme̱
mā yo̎ṣṭhā̱ssama̍yāva̱ sa̍lpāvahai̱ saṃ pri̍yau roci̱ṣṇū
su̍mana̱syamā̍nau | iṣa̱mūrja̍ma̱bhi sa̱ṃvasā̍nau̱ sannau̱ manām̐̍si̱ saṃ vra̱tā samu̍ ci̱ttānyāka̍ram
| sā tvama̱syamū̱hamamū̱hama̍smi̱ sā tvaṃ dyaura̱haṃ pṛ̍thi̱vī tvam̐
reto̱'ham̐ re̍to̱bhṛttvaṃ mano̱'hama̍smi̱ vāktvam̐ sāmā̱hama̱smyṛ̍ktva̱m̱̐ sā māmanu̍vratā
bhava pu̱m̱̐se pu̱trāya̱ vetta̍vai śri̱yai pu̱trāya̱ vetta̍vā̱ ehi̍ sūnṛte || (3)