Ekagnikanda 1.10501

1.10501

iti prathamapro caturthaḥ khaṇḍaḥ ||
āti̍ṣṭhe̱mamaśmā̍na̱maśme̍va̱ tva sthi̱rā bha̍va | a̱bhiti̍ṣṭha pṛtanya̱tassaha̍sva pṛtanāya̱taḥ | i̱yannā̱ryupa̍brūte̱
kulpā̎nyāvapanti̱kā | dī̱rghā̱yura̍stu me̱
pati̱rjīvā̍tu śa̱rada̍śśa̱tam | tubhya̱magre̱ parya̍vahanthsū̱ryāṃ va̍ha̱tunā̍ sa̱ha | puna̱ḥ pati̍bhyo
jā̱yāṃ dā a̍gre pra̱jayā̍ sa̱ha | puna̱ḥ patnī̍ma̱grira̍dā̱dāyu̍ṣā
sa̱ha varca̍sā | dī̱rghā̱yura̍syā̱ yaḥ pati̱ssa e̍tu śa̱rada̍śśa̱tam | viśvā̍ u̱ta tvayā̍ va̱yaṃ
dhārā̍ uda̱nyā̍ iva | ati̍gāhemahi̱ dviṣa̍ḥ |
āti̍ṣṭhe̱mamaśmā̍nam | a̱rya̱maṇa̱nnu de̱vaṃ ka̱nyā̍ a̱grima̍yakṣata | sa i̱mānde̱vo a̱̍raḥ
preto muāā̱ti̱ nāmuta̍ssuba̱ddhāma̱muta̍skarat | tubhya̱magre̱
parya̍vaha̱npuna̱ḥ patnī̍ma̱grira̍dā̱dviśvā̍ u̱ta tvayā̍ va̱yamāti̍ṣṭhe̱mamaśmā̍nam | tvama̍rya̱mā
bha̍vasi̱ yatka̱nīnā̱nnāma̍ sva̱dhāva̱thsva̍ryaṃ bi̱bharṣi̍ | ā̱nti̍
vṛ̱kṣam̐ sudhi̍ta̱nna gobhi̱ryaddaṃpa̍tī̱ sama̍nasā kṛ̱ṇoṣi̍ | tubhya̱magre̱ parya̍vaha̱npuna̱ḥ patnī̍ma̱grira̍dā̱dviśvā̍
u̱ta tvayā̍ va̱yam | pra tvā̍ muāāmi̱ varu̍ṇasya̱
pāśā̍dyena̱ tvā'ba̍dāthsavi̱tā su̱keta̍ḥ | dhā̱tuśca̱ yonau̍ sukṛ̱tasya̍ lo̱ke syo̱nante̍
sa̱ha patyā̍ karomi | i̱maṃ viṣyā̍mi̱ varu̍ṇasya̱ pāśa̱ṃ
yamaba̍dīta savi̱tā su̱śeva̍ḥ | dhā̱tuśca̱ yonau̍ sukṛ̱tasya̍ lo̱ke'ri̍ṣṭāṃ tvā sa̱ha patyā̍
karomi | a̱yāścā̱gre'sya̍nabhiśa̱stīśca̍ sa̱tyami̍ttvama̱yā
a̍si | aya̍sā̱ mana̍sā dhṛ̱to̍'yasā̱ ha̱vyamū̍hiṣe̱'yā no̍ dhehi bheṣa̱jam || (5)